Ո՞ր վիտամիններն ու մթերքներն են նպաստում հիշողության լավացմանը

Լավ հիշողություն ունենալը կարևոր է բոլորիս համար. սկսած աշխատանքային ոլորտից մինչև առօրյա ու կենցաղային այս կամ այն հարցերը, անելիքները պետք է մտապահել, չմոռանալ: Տարիքի հետ սրվում են վատ հիշողությունը, մոռացկոտությունը, ցրվածությունը: Դրանց հաղթահարման համար առաջնային է համարվում սննդի կարգավորումը: Ձեզ ենք ներկայացնում այն առաջնահերթ վիտամինները, որոնք անհրաժեշտ են ուղեղին հիշողությունը կարգավորող գործառույթն իրականացնելիս'

Վիտամին C. լավացնում է հիշողությունը' բարձրացնելով նաև դիմադրողականությունը: Ուշացնում է ծերացման գործընթացը: Մեծ քանակությամբ C վիտամին են պարունակում բուլղարական քաղցր պղպեղը, կիվին, սև հաղարջը, ելակը, ցիտրուսային մրգերը, լոլիկը, անանսը, մաղադանոսը, սոխը:

Վիտամին B1. Անմիջական ազդեցություն ունի հիշողության վրա: Այն կարելի է ստանալ ընկույզից, ոլոռից, հացահատիկներից, նպարեղենից և ձվի դեղնուցից:

Վիտամին B2. Այն օգնում է կենտրոնացնել հիշողությունը: Այս վիտամինով հարուստ են անյուղ կաթն ու կաթնամթերքը' կաթնաշոռը, պանիրը:

Վիտամին B12. Նպաստում է լավ հիշողություն ունենալուն: Այս վիտամինը պայքարում է նաև վատ տրամադրության դեմ: Այն առկա է կաթի, մսի, իսկ ավելի կոնկրետ' սրտի և թոքի մեջ: B12 վիտամինով հարուստ են նաև ծաղկակաղամբիը, ծովախեցգետինն ու ձկնեղենը:

Վիտամին E. Խոչընդոտում է հիշողության վատթարացմանը: Մեծ քանակությամբ E վիտամին են պարունակում ընկույզները, արևածաղիկը, բրինձը և ձուն:

Վիտամին K. Այս վիտամինով հարուստ են հատկապես կանաչ թեյը, ծաղկակաղամբը, դդմիկը: