ԵԱՏՄ -ն արդեն անշրջելի փաստ է
Ֆինանսների,Կենտրոնական բանկի ու Էկոնոմիկայի նախարարների՝ ԱԺ-ում լրագրողների հետ հարց ու պատասխաների ընթացքում բազմաթիվ անգամ արծարծվում է ԵԱՏՄ-ում Հայաստանի օգուտների ու վնասների վերաբերյալ։
Բնականաբար լրագրողները, կառավարության ըննդիմախոսները փորձում են համոզել, որ այդ միությանը անդամակցումը Հայաստանին ոչ մի օգուտ չի բերում՝ հակառակը, գնալով վիճակը ավելի է վատանում, սակայն կառավարության աշխատակազմը փորձում է համոզել հակառակում։ Օրինակ ՊԵԿ նախագահ Վարդան Հարությունյանը երեկ ասաց, որ 2016 թվականին շուրջ 3 միլիրադ դրամ պակաս մաքսատուրք է փոխանցվել Հայաստանին։
Ֆինանսներ նախարար Վարդան Արամյանը ուշադրություն հրավիրեց համաշխարհային տնտեսկան ճգնաժամի վրա, սակայն նաև ասաց, որ Հայաստանը սրանից պատվով դուրս եկավ ու թեպետ մոտակա տարիներին Հայաստանը շարունակելու է պարտք վերցնել ( ինչը նշանակում է արտաքին պարքի զգալի աճ), այնուամենայնիվ, իրենք հստակ պատկերացնում են, թե ինչպես պետք է կարգավորեն տնտեսության առաջ ծառացած թվերը, որոնք հետագայում կբերեն պարտքի նվազման։
Բոլոր ռիսկերն ու հնարավոր կորոսւտները՝ ըստ Արամյանի հաշվի են առնվել։ Սրանց վերաբերյալ մենք անընդհատ կարող ենք խոսել ու բանավիճել, սակայն հանրության բացասական արձագանքները կարող են կապված լինել ավելի շատ որակական փոոփոխություն չզգալու՝ իրենց միօրինակ կյանքում։ ԵԱՏՄ անդամակցության պարագայում դեռևս ձևավորման փուլում գնտվող կառույցի միանգամից որակական փոփոխություն ակնկալելը, իհարկե, այդքան էլ խելամիտ չէ, բայց մի՞թե դա հետաքրքրում է շարքային քաղաքացուն։ Ահա սրանք պիտի հաշվի առներ ՀՀ կառավարությունը ԵԱՏՄ-ի անդամակցելիս, սակայն դրա մասին հիմա խոսելը նույնպես տեղին չէ, քանի որ ԵԱՏՄ -ն արդեն անշրջելի փաստ է։
Կարեն Համբարձումյան. Ֆեյսբուք: