Ես Պուտինի երկրպագուն եմ. Մարադոնա
Արգենտինացի լեգենդար ֆուտբոլիստ Դիեգո Մարադոնան իրեն Ռուսաստանի Դաշնության նախագահ Վլադիմիր Պուտինի երկրպագուն է անվանել: Այս մասին գրում է Gazeta.ru-ն:
«Մենք կրկին կշփվենք Պուտինի հետ: Նա ինձ զանգահարել է և խնդրել մի բան անել 2018 թվականի աշխարհի առաջնության համար, որը տեղի կունենա Ռուսաստանում: Ես Պուտինի երկրպագուն եմ և ուրախությամբ եմ արձագանքել նրա խնդրանքին:
Ինձ հետ արդեն կապվել էին մի երկու ամիս առաջ, սակայն կարևոր է հարցը քննարկել նախագահի հետ անձնական հանդիպման ժամանակ»,- Մարադոնայի խոսքերը մեջբերում է «Ole»-ն:
Ֆուտբոլի աշխարհի առաջնությունը տեղի կունենա 2018 թվականի հունիսի 14-ից հուլիսի 15-ը Ռուսաստանում: