Քեյթ Միդլթոնի շքեղ զգեստները, որոնք չեն գերազանցում 50 հազար դրամը (լուսանկարներ)

Արքայազն Ուիլիամի հետ ամուսնական 6 տարիների համատեղ կյանքի ընթացքում Քեմբրիջի դքսուհին աչքի է ընկել մի քանի տասնյակ դոլարանոց զգեստներով, կոշիկներով և զարդերով: 

Սակայն Քեյթ Միդլթոնը հայտնի է նաև որպես արքայական ընտանիքի բավական նրբաճաշակ անդամ: Շլացնող կերպար կերտելու համար իրեն անհրաժեշտ չէ օգտվել բացառապես թանկարժեք բրենդներից: Նա կարողանում է անկրկնելի լինել նաև անհամեմատ մատչելի հագուստներով:

«7days.ru»-ն ներկայացնում է լուսանկարների շարք, որոնցում Քեմբրիջի դքսուհին կրում է հայկական դրամով 50 հազարը չգերազանցող հագուստ: 

Քեյթ Միդլթոնի բոլորովին վերջերս կրած սպիտակ պիջակը «Zara»-ի արտադրանք է, որը հայկական դրամով արժե 44.792 դրամ:

2016 թ.-ի գարնանը Քեյթը հանրությանը նեկայացավ ևս մեկ ոչ պակաս գեղեցիկ զգեստով, որը բոհեմյան ոճով էր, ստեղծված էր «Glamorous» բրենդի կողմից և արժեր 36.000 դրամ:

Թագուհու ծննդյան 90-ամյակի կապակցությամբ, որը նշում էին անցյալ տարի, Քեթրինը կարող էր ներկայանալ ցանկացած կերպարով: Սակայն նա նախընտրեց «Zara»-ից մուգ կարմիր մի վերնազգեստ, ինչը արժեր 35.200 դրամ:

Երկու անգամն էլ, երբ Քեյթը երեխայի էր սպասում, հաճախակի չէր կրում թանկարժեք զգեստներ: Օրինակ, առաջին հղիության ժամանակ իր սիրելի զգեստներից մեկը դքսուհին գնել էր «ASOS» ինտերնետային խանութից 28 հազար դրամով:

2013 թ.-ին Շվեյցարիա այցելելու համար դքսուհին ընտրել էր «Zara»-ից 32.000 դրամանոց կանաչամոխրագույն պիջակ:

Եվս մեկ կերպար, որով Քեյթը սիրում է հանդես գալ, հասարակ պուտավոր զգեստ է, որով նա մասնակցել է արքայազն Ջորջի կնքահոր՝ Ուիլիամ Վան Քաթսեմի հարսանիքին: Այն ձեռք է բերվել «Topshop» խանութից 24.000 դրամով:

Քեթրինը չի թաքցնում նաև ջինսերի նկատմամբ իր սերը: Նա «Zara»-ի տաբատների մի ամբողջ հավաքածու ունի, որոնք չեն գերազանցում 21.000 դրամը:

Քեյթը, ով այդքան փայլում է արքայական ադամանդներով, չի խորշում նաև հասարակ բիժուտերիայից: Այսպես, Ասիա կատարած այցի վերջին օրը նա հանրությանը ներկայացավ «Azuni»-ից արհեստական բյուրեղով ականջօղներով, որոնք արժեին 16.000 դրամից մի քիչ ավել:

Իսկ արդեն Հնդկաստանում տեղի ունեցած հանդիսավոր ընդունելության ժամանակ դքսուհին իր երեկոյան զգեստին կցել էր «շքեղ» զարդ, որն արժեր ընդամենը 14.400 դրամ և գնվել էր «Zara» խանութից:

Այնուամենայնիվ, Քեթրինի կրած ռեկորդային ցածր արժեցող զարդը էթնիկ ոճի ականջօղերն են եղել, որոնք գնվել են «Accessorise»-ում 5.760 դրամով: