ԱՄՆ-ն մտահոգված է Ղարաբաղում հրադադարի ռեժիմի վերջին խախտումներով
ԱՄՆ-ն մտահոգված է հրադադարի ռեժիմի վերջին խախումներով, որոնք հանգեցրել են բազմաթիվ զոհերի Լեռնային Ղարաբաղի շփման գծում։ Այս մասին նշվում է ԱՄՆ Պետքարտուղարության հայտարարության մեջ։
«Մենք կողմերին կոչ ենք անում խուսափել էսկալացիայից ու խրախուսել շփման գծում ու Հայաստանի և Ադրբեջանի միջազգային սահմանին լարվածության նվազմանն ուղղված միջոցառումների շտապ քննարկումը։
ԵԱՀԿ ՄԽ համանախագահները հունիսի 19-ի իրենց հայտարարության մեջ կողմերին կոչ են արել վերսկսել առարկայական ու քաղաքական կամքի վրա հիմնված բանակցություններ։ Համանախագահները շեշտել են, որ բանակցությունները միակ ուղին են, որը թույլ կտա երկարաժամկետ խաղաղություն ապահովել տարածաշրջանի ժողովրդի համար, որը սպասում է ու արժանի է առաջընթացի՝ հակամարտության կարգավորման գործընթացում։
ԱՄՆ-ն կշարունակի ինտենսիվ փոխգործակցել կողմերի հետ։ Մեր քաղաքականությունը, որն աջակցում են ՄԽ համանախագահները, կայանում է նրանում, որ արդարացի կարգավորումը պետք է հիմնված լինի միջզգային իրավունքի վրա, որը ներառում է Հելսինկյան ամփոփիչ ակտը։ Մասնավորապես ուժի չկիրառելու, տարածքային ամբողջականության ու ժողովուրդների ինքնորոշման իրավունքի սկզբունքների վրա»,- ասվում է հայտարարության մեջ։