Սոչիում ավտովթարի հետևանքով 42-ամյա հայ է զոհվել
Սոչիում հունիսի 20-ի գիշերը տեղի ունեցած ավտովթարի հետևանքով 42-ամյա հայ է զոհվել: Այս մասին հայտնում են ՌԴ ՆԳՆ Կրասնոդարի երկրամասի գլխավոր վարչության մամուլի ծառայությունից՝ հավելելով, որ ընդհանուր թվով զոհերը եղել են 2-ը:
Հաղորդվում է, որ «Mercedes մակնիշի» ավտոմեքենայի 28-ամյա վարորդը նախնական տեղեկություններով կորցրել է կառավարումը, դուրս եկել հանդիպակաց գիծ և բախվել «Renault»-ին, որը վարելիս է եղել հայաստանցին։
Վթարի հետևանքով զոհվել են «Renault»-ի վարորդը և ուղևորը, իսկ «Mercedes»-ի վիրավոր ուղևորին ծանր մարմնական վնասվածքներով տեղափոխել են հիվանդանոց։