Ինչո՞ւ Օլիմպիական չեմպիոնը հրաժարվեց շարունակել գոտեմարտը

Հունիսի 9-12-ը Թբիլիսում ընթանում է 50 հազար դոլար մրցանակային հիմնադրամ ունեցող միջազգային խոշոր մրցաշար՝ ըմբշամարտի միջազգային ֆեդերացիայի «Մեծ մրցանակի» մրցաշարքում ընդգրկված վրացի լեգենդար ըմբիշներ Վախթանգ Բալավաձեի և Գիվի Կարտոզիայի մրցանակների խաղարկությանը: Ստուգատեսի մրցանակակիրների համար սահմանված են հետևյալ պարգևավճարները՝ ոսկե մեդլակիրներին բաժին է հասնում ՝1000, արծաթե մեդալակիրներին՝ 800, իսկ բրոնզե մեդալակիրներին՝ 500 դոլար:

Թբիլիսյան մրցաշարը շատ կարևոր նախապատրաստական փուլ է, քանզի հիմնականում դրա արդյունքներն են հիմք հանդիսանալու Փարիզում օգոստոսի 21-26-ը կայանալիք 2017 թ ըմբշամարտի աշխարհի առաջնության համար ՀՀ հավաքականների կազմն ընտրելիս:

Ազատ ոճի ըմբշամարտի ՀՀ ընտրանին, որ ելույթ ունենում Արմեն Մկրտչյանի ղեկավարությամբ Թբիլիսիում 8քաշային կարգերում ներկայացրել է ՝ 18,իսկ Լևոն Ջուլֆալակյանի գլխավորած հունահռոմեական ոճի ըմբշամարտի ՀՀ հավաքոկանը՝ 21 ըմբիշ:

Հունիսի 10-ին մեդալներ խաղակվեցին ազատ ոճի՝ 57, 65, 74, 97 կգ և հունահռոմեական ոճի՝ 59, 71, 80, 98 կգ քաշային կարգերի ըմբիշներ, ընդհանուր առմամբ 16 երկրի137 ըմբիշներ, այդ թվում՝ ազատ ոճի 4 քաշային կարգերում 16 մեդալները վիճակեցին 8 երկրի 52 ըմբիշ, որից 11-ը Հայաստանից, իսկ հունահռոմեական ոճի 4 քաշային կարգերում 16 պարգևները՝ խաղակեցին 13 երկրի 85 ըմբիշ, որոնից 11-ը ՀՀ-ից:

Ազատ ոճի ըմբշամարտի ՀՀ ընտրանու պատվիրակներից իրեն կրկին գերազանց դրսևորեց Վոլոդյա Ֆրանգուլյանն, ով առաջին անգամ ուժերը չափեց իր համար նոր ՝ 65կգ քաշային կարգում, և 12մասնակիցների պայքարում գրավեց 1-ին ու արժանացավ ոսկե մեդալի, և1000 դոլար պարգևավճարի: 

Ֆրանգուլյանն եզրափակչում առավելության հասավ Թուրքիայի ներկայացուցիչ Սելախետդին Կիլիչսալայանի նկատմամբ: 

Նման հաջողությանը շատ մոտ էր նաև 74 կգ քաշային Գրիգոր Գրիգորյանը, սակայն նա եզրափակչում 1:3 հաշվով զիջեց տանտերերի պատվիրակ՝ վրաստանցի Ջումբեր Կվելաշվիլուն, ու տուն է վերադառնում արծաթե պարգևով և վաստակեց 800 դոլար պարգևավճար: Իսկ ահա Գարիկ Բարսեղյանը (57կգ) և Նարեկ Սիրունյանն (65կգ) արժանցան բրոնզե պարգևի ու 500-ական դոլար պարգևավճարի:

Հունահռոմեական ոճի ըմբշամարտի մրցաշարում ևս մրցումային 1-ին օրը ՀՀ-ից 2 ըմբիշ հասել էր եզրափակիչ: Մաքսիմ Մանուկյանը ուժերը փորձեց 80 կգ-ում և 24 ըմբիշների պայքարում եզրափակչում հանդիպեց վրաստանցի Նիկոլոզ Կվելասովի հետ: Լարված ու համառ պայքարում ի վերջո հաղթեց տանտերերի պատվիրակը: Մանուկյանն արժանացավ արծաթե պարգևիև 800դոլար պարգևավճարի:

98կգ քաշային կարգում, որտեղ 17 ըմբիշ էր վիճարկում ստուգատեսի պարգևները, նախնական փուլերում վստահ հաղթանակներ տոնելով 2016թ օլիմպիական խաղերի չեմպիոն Արթուր Ալեքսանյանը հասավ եզրափակիչ: Վճորոշ գոտեմարտում նրա մրցակիցը 2016թ օլիմպիական խաղերի մասնակից վրաստանցի Ռեվազ Նադարեիշվիլի էր: Նրանց մրցամարտը հավասար ու անզիջում մրցապայքար էր ընթանում: Մրցավեճի 1.43-րդ րոպեին գորգի մրցավարը համարեց, որ Ալեքսանյանը պասիվ է վարում գոտեմարտն ու 1 միավոր շնորհեց իր հայրենացին:

2.38-րդ րոպեին պասիվության համար պատժվեց արդեն վրացի ըմբիշ, ու մենամարտում հաշիվը հավասարվեց՝ 1:1: 4.30-րդ րոպեին Նադարեիշվիլին կարողացավ Ալեքսանյանին գորգի դուրս հրել ու հաշվի մեջ կրկին առաջ անցավ՝2 :1: Արթուրն հավաքեց ողջ ուժերն , առաջ նետվեց ու ջանքեր գործադրեց վերականգնելու հաշվի հավասարությունն և խուսափելու պարտությունից:

Սակայն 5.16-րդ րոպեին տրիբունաներում մրցակիցների երկրպագունների միջև մրցավարների կայացրած որոշումներին վերաբերող դժգոհությունից վիճաբանություն, հրմշտոց ու խառնաշփոթ սկսվեց, որից զայրացած օլիմպիական չեմպիոն Արթուր Ալեքսանյանը հեռացավ մրցագորգից ու հրաժարվեց մենամարտը շարունակելուց :

Մրցավարի որոշման հետ իր անհամաձայնությունն արտահայտելու, մրցագորգը լքելու ու պայքարը չշարունակելու համար Ալեքսանյանին 1:4 հաշվով տեխնիկական պարտության գրացվեց , ու բացի այդ որակազրկման պատճառով նա զրկվեց նաև իրեն հասանեիք արծաթե մեդալն ու 800 դոլար պարգևվճարը ստանալուց:

80կգ քաշային կարգի ըմբիշների պայքարին մասնակցող Սարգիս Քոչարյանը բրոնզե մեդալի համար պայքարում տանուլ տվեց մրցակցին ու ստիպված եղավ բավարարվել 5-րդտեղով:

Այսօր ՝ հունիսի 11-ին մեդալներ կվիճարկեն ազատ ոճի 61, 70, 86 և 125 կգ, հունահռոմեկան ոճի 66, 75, 85 և 130 կգ քաշային կարգերի ըմբիշները:

Արամ Ուգուջյան. Ֆեյսբուք