Ռուսական լիցեյը՝ Արթուր Բաղդասարյանի նոր բիզնես

«Հայկական ժամանակ» օրաթերթը գրում է. «Երևանի Հերացի փողոցի սկզբնամասում՝ ճոպանուղու նախկին շենքի հարևանությամբ շատով կգոր­ծի Հայաստանում ռուսա­կան առաջին լիցեյը:

Հավաքական անվտանգության պայմանագրի կազմակերպության (ՀԱՊԿ) միջոցներով կառուցված շենքը, որը պետք է դառնար ՀԱՊԿ ակադեմիա և մասնագետներ տար միջազգային այդ կազմակերպու­թյանը, կծառայի մի քանի ուսումնա­կան հաստատության: Մեկը «ՀԱՊԿ-ի և Եվրազեսի» ակադեմի­ան է, իսկ մյուսը՝ «Հայաստանում ռուսական լիցեյը»:

Մի կողմ դնենք, թե ինչ մասնագետներ են տալու այս երկու հաստատությունները, և պարզենք, թե ո՞վ է կանգնած այդ հաստատությունների թիկունքում: 2017 թ. սեպտեմբերից իր դռնե­րը բացող Հայաստանում ռուսա­կան լիցեյը նոր է իրավաբանական կարգավիճակ ստացել: ՀՀ արդա­րադատության նախարարության իրավաբանական անձանց պետա­կան ռեգիստրի գրանցամատյանից Armtimes.com-ը պարզեց, որ «Հա­յաստանում ռուսական լիցեյ» կրթա­կան հիմնադրամը պետական գրանցում է ստացել մոտ մեկ ամիս առաջ` 2017 թ. մայիսի 12-ին: Գոր­ծունեության հասցեն նշված է Երև­ան քաղաքի Հերացի 2-ը՝ նույն շենքը, որը վերը նշեցինք:

«Հայաստանում ռուսական լիցեյի» հիմնադիրը Հավաքական անվտանգության պայմանագրի կազմակերպության ակադեմիա» հիմնադրամն է: «Բուս­կի լիցեյի» կանոնադրությունը հաստատման է ներկայացրել ՀԱՊԿ ակադեմիայի ռեկտորը, որը 5-րդ գումարման Ազգային ժողովի «Օրինաց երկիր» խմբակցության ան­դամ, նախկին պատգամավոր Մհեր Շահգելդյանն է:

«Հայաստանում ռուսական լի­ցեյ» հիմնադրամի գործադիր մարմ­նի ղեկավարը տնօրենի ժամանա­կավոր պաշտոնակատարն է՝ Աշ­ոտ Արտեմի Բալյանը: Վերջինս 2017 թ. խորհրդարանական ընտրու­թյունների ժամանակ զբաղեցրել է ՕԵԿ-ի ռեբրենդինգից հետո ստեղծված «Հայկական վերած­նունդ» կուսակցության համամաս­նական ցուցակի 72-րդ տեղը:

ԿԸՀ ներկայացրած փաստաթղթերի համաձայն, Աշոտ Բալյանը գործա­զուրկ է՝ ոչ մի տեղ չի աշխատում: Ակնհայտ է, որ նա արհեստական է նշանակվել հիմնադրամի տնօրենի պաշտոնում, քանի որ նաև ժամա­նակավոր պաշտոնակատարն է:

Armtimes.com -ին հայտնի դար­ձավ, որ այս հիմնադրամի ոչ ֆոր­մալ տնօրենը «Օրինաց երկիր» խմ­բակցության մեկ այլ նախկին պատգամավոր է՝ Լևոն Դոխոլյանը: Վերջինս այժմ զբաղված է «Հայաս­տանում ռուսական լիցեյի» ղեկավարմամբ: Ի դեպ, ֆեյսբուք սոցիա­լական ցանցի իր էջում ակտիվորեն կիսվում է լիցեյի ընդունելության վերաբերյալ հայտարարություններով: Լևոն Դոխոլյանը պատահական մարդ չէ, նա «Հայկական վերածնունդ» կուսակցության կարկառուն անդամ Հեղինե Բիշարյանի քրոջ փեսան է (դստեր ամուսինը):

Կարող ենք արձանագրել, որ ՀՎԿ նախագահ Արթուր Բաղդա­սարյանի ջանքերով, երբ վերջինս դեռևս Ազգային անվտանգության խորհրդի քարտուղարն էր, հիմ­նադրվեց ՀԱՊԿ ակադեմիան, որը, սակայն, հետագայում դարձավ Ար թուր Բաղդասարյանի մերձավորնե­րի համար աշխատատեղ ապահո­վող ձեռնարկություն:

Նորակառույց ՀԱՊԿ ակադեմի­այի շենքի առաջին երկու հարկերը զբաղեցնում է «ՀԱՊԿ-ի և Եվրազեսի ակադեմիան», իսկ երրորդ հար­կում տեղակայված է «Հայաստա­նում ռուսական լիցեյը:

Ի դեպ, ՀՎԿ անդամ Հեղինե Բիշարյանն էլ անգործ չի մնացել:

Հայտնի է, որ նա Արթուր Բաղդասարյանի հրամանով նշանակվել է Եվրոպական ակադեմիայի ռեկտոր»:

Մանրամասները՝ «Հայկական ժամանակ» թերթի այսօրվա համարում: