Երևան, 25.Հունիս.2017, 00:00 |
|
1 $ = 0 Դրամ 1 = 0 Դրամ 1 = 0 Դրամ
|
Արծաթ - 0 Դրամ Ոսկի - 0 Դրամ Պլատին - 0 Դրամ
Նոր մանրամասներ Թբիլիսիի ճանապարհին տեղի ունե... Փոկը բարձրացել է ընթացքի մեջ գտնվող մոտորանավ... ԿԳՆ-ն հանրային քննարկման է ներկայացրել Լեզվակ... Թբիլիսիի ճանապարհին Մոսկվա-Երևան ավտոբուսը բա... Պակիստանում հրդեհի հետևանքով զոհերի թիվը հասե... Մենք այժմ չլինելով խորհրդարանում, պարտավոր են... Մեկնարկել է «Ժառանգություն» կուսակցության 11-... Փարիզի արվարձանից տարհանվել է ավելի քան 100 մ... Ավտովթարից տուժած զինվորները շարունակում են բ... Պատմության մեջ այս օրը. հունիսի 25 Էրդողանն ուշագնաց է եղել մզկիթում աղոթքի ժամա... Ողբերգական ավտովթար Արագածոտնի մարզում. հարազ... Երևանում հնչած կրակոցների հետևանքով հիվանդանո... 26-ամյա ուսուցչուհին վրեժ է լուծել նախկին ընկ... Բախվել են անասնաբույժի 06-ն ու «Վարորդ-ոստիկա... Մանկապարտեզում պայթյուն է հնչել, որին հաջորդե... Գերմանիայում նոր թղթադրամներ են թողարկել, որը... Դոլարի, ռուբլու և եվրոյի փոխարժեքը՝ հայաստանյ... Կալիֆորնիայում ընտրել են ամենատգեղ շանը (լուս... Ավտովթար` Երևան-Մեղրի ճանապարհին. կա 4 վիրավո... Ադրբեջանի հայտարարություները հակասում են երկր... 2017 թվականի ամռան թոփ 5 ավտոմեքենաները (լուս... Ամուսնությունից հետո սեռական կյանքի 9 առանձնա... Իսրայելի բանակի գեղեցկուհիները (լուսանկարներ) Մերկ ճշմարտություն՝ Մելանյա Թրամփի մասին (տես...

ԱԳ նախարար Էդվարդ Նալբանդյանի ելույթը Եվրոպայի խորհրդի Նախարարների կոմիտեի 127-րդ նիստին

ԱԳ նախարար Էդվարդ Նալբանդյանը Եվրոպայի խորհրդի Նախարարների կոմիտեի 127-րդ նիստին հանդես է եկել ելույթով, որը ներկայացնում ենք ստորև.

«Պարոն նախագահ,
Պարոն գլխավոր քարտուղար,
Հարգելի գործընկերներ,

Հարգելի Իոաննիս, սիրելի բարեկամ, շնորհավորում եմ Նախարարների կոմիտեի հաջող նախագահության կապակցությամբ: Կիպրական նախագահության առաջնայնությունները լավագույնս միտված էին արձագանքելու այն մարտահրավերներին, որոնց այսօր առերեսվում է Եվրոպան:

Այդ առաջնայնություններից մշակութային ժառանգության պաշտպանությունը հատկապես կարևոր է հայ ժողովրդի համար, ով մշակութային արժեքների հսկայական կորուստներ է կրել իր պատմության ընթացքում և բոլորովին վերջերս` Ադրբեջանում` այդ երկրի կառավարության ձեռքով, և Սիրիայում` ահաբեկչական խմբավորումների կողմից: Այս առումով մենք ողջունում ենք Մշակութային սեփականության դեմ հանցանքների վերաբերյալ Եվրոպայի խորհրդի կոնվենցիայի ընդունումը:

Կիպրական նախագահության մեկ այլ առաջնահերթություն` Կրթության միջոցով ժողովրդավարության հաստատումը համերաշխ և հանդուրժողական հասարակությունների ստեղծման կարևոր միջոց է։ Ցեղասպանությունների և մարդկության դեմ հանցագործությունների կանխարգելման գործում առանցքային դեր է խաղում ժողովուրդների հիշողության իրավունքը, նրանց իրավունքը հիշատակի հարգման, կրթության միջոցով իրազեկելու նախկինում տեղի ունեցած ողբերգությունների մասին։

Հարգելի գործընկերներ,

Ողջունելի է, որ «Ժողովրդավարության, մարդու իրավունքների և օրենքի գերակայության իրավիճակի» մասին իր տարեկան զեկույցում Եվրոպայի խորհրդի գլխավոր քարտուղարը հատուկ անդրադարձ է կատարել պոպուլիզմին, ինչը հատկապես վտանգավոր է, երբ զուգորդվում է պետության կողմից սատարվող ատելության քարոզով և այլատյացությամբ: Ազատ մամուլը, մարդու իրավունքների և ժողովրդավարական քաղաքացիության վերաբերյալ կրթությունը, ակտիվ քաղաքացիական հասարակությունը անհրաժեշտ են` հաղթահարելու այս երևույթը: Ավելին, «օրենքի գերակայություն» եզրը իրենից ներկայացնում է կոնցեպտ, որը տրամագծորեն հակադրվում է «ուժի գերակայությանը» կամ «ուժի կիրառմանը»:

Մենք արդեն հնարավորություն ունեցել ենք կիսելու գլխավոր քարտուղարի մեկ այլ տեսակետ` «Ժողովրդավարական անվտանգության» հայեցակարգի շուրջ, որի համաձայն ժողովրդավար երկրները առավել քիչ հավանական է, որ պատերազմ սկսեն: Ակնհայտ է, որ ավտորիտար ռեժիմները նման երկընտրանքի առջև չեն կանգնում։

Նման իրավիճակի ականատես եղանք 2016թ. ապրիլին, երբ Ադրբեջանը լայնամասշտաբ հարձակում սանձազերծեց Արցախի ժողովրդի դեմ՝ իրականացնելով միջազգային մարդասիրական և մարդու իրավունքների կոպտագույն խախտումներ:

Ադրբեջանի ապրիլյան ագրեսիայից հետո երկու գագաթաժողով է գումարվել, որտեղ ձեռք են բերվել պայմանավորվածություններ՝ միտված խաղաղ գործընթացի առաջ մղման նպատակով բարենպաստ պայմանների ստեղծմանը: Բաքուն հրաժարվում է իրականացնել այս համաձայնությունները՝ չնայած դրանց կարևորությունն ընդգծվել է բազմաթիվ առիթներով, այդ թվում՝ Ռուսաստանի, Հայաստանի և Ադրբեջանի արտաքին գործերի նախարարների վերջերս՝ ապրիլի 28-ին կայացած եռակողմ հանդիպման ընթացքում: Ավելին, հակառակվելով ԵԱՀԿ Մինսկի խմբի համանախագահ երկրների և միջազգային հանրության հետևողական կոչերին՝ խստորեն պահպանելու հրադադարի ռեժիմը, Բաքուն շարունակում է կոպտորեն խախտել եռակողմ զինադադարի համաձայնագրերը։

Մենք գնահատում ենք այն նախաձեռնությունները, որոնք ուղղված են մարդու իրավունքների համաեվրոպական գործիքների հավասար կիրառմանը ողջ մայրցամաքում՝ առանց տարբերակման, ներառյալ՝ հակամարտությունների գոտիներում: Եվրոպայի խորհրդի առաջնային նպատակն է ապահովել, որ Մարդու իրավունքների եվրոպական կոնվենցիայով երաշխավորված ընդհանուր արժեքների և անհատների իրավունքների իրականացումը պայմանավորված չլինի տարածքի կարգավիճակով, որտեղ բնակվում է ժողովուրդը:

Հարգելի գործընկերներ,

Ապրիլի 2-ին Հայաստանում կայացան խորհրդարանական ընտրություններ: Դրանք նշանավորվեցին միջազգային դիտորդների աննախադեպ մեծ թվով, որոնք փաստեցին, որ ընտրությունները լավ էին կազմակերպված, հարգվել են հիմնարար ազատությունները, և դրանց արդյունքներն արտացոլում են բնակչության կամքը:

Հայաստանը բարձր է գնահատում ժողովրդավարական հաստատությունների և ընտրական գործընթացների ամրապնդմանն ուղղված իր բարեփոխումներում միջազգային գործընկերների ներդրումը, ներառյալ՝ Եվրոպայի խորհրդի և Վենետիկի հանձնաժողովի կողմից տրամադրված փորձագիտական աջակցությունը: Ակնկալում ենք շարունակել արդյունավետ համագործակցությունն այս ուղղությամբ:

Ինչ վերաբերում է վերջերս ԵԽԽՎ-ում ինստիտուցիոնալ ճգնաժամի և կոռուպցիայի վերաբերյալ արժանահավատ տեղեկատվությանը՝ մենք միանում ենք իրավիճակի ամբողջական հետաքննությանն ուղղված կոչերին, որպեսզի վերականգնվի այս կազմակերպությանը հասցված վնասը:

Եվ, վերջում, ցանկանում եմ օգտագործել այս առիթը՝ հաջողություն մաղթելու գալիք՝ Չեխայի նախագահությանը:

Շնորհակալություն»:

դիտվել է 182 անգամ
loading...
Նոր մանրամասներ Թբիլիսիի ճանապարհին տեղի ունե... Փոկը բարձրացել է ընթացքի մեջ գտնվող մոտորանավ... ԿԳՆ-ն հանրային քննարկման է ներկայացրել Լեզվակ... Թբիլիսիի ճանապարհին Մոսկվա-Երևան ավտոբուսը բա... Պակիստանում հրդեհի հետևանքով զոհերի թիվը հասե... Մենք այժմ չլինելով խորհրդարանում, պարտավոր են... Մեկնարկել է «Ժառանգություն» կուսակցության 11-... Փարիզի արվարձանից տարհանվել է ավելի քան 100 մ... Ավտովթարից տուժած զինվորները շարունակում են բ... Պատմության մեջ այս օրը. հունիսի 25 Էրդողանն ուշագնաց է եղել մզկիթում աղոթքի ժամա... Ողբերգական ավտովթար Արագածոտնի մարզում. հարազ... Երևանում հնչած կրակոցների հետևանքով հիվանդանո... 26-ամյա ուսուցչուհին վրեժ է լուծել նախկին ընկ... Բախվել են անասնաբույժի 06-ն ու «Վարորդ-ոստիկա... Մանկապարտեզում պայթյուն է հնչել, որին հաջորդե... Գերմանիայում նոր թղթադրամներ են թողարկել, որը... Դոլարի, ռուբլու և եվրոյի փոխարժեքը՝ հայաստանյ... Կալիֆորնիայում ընտրել են ամենատգեղ շանը (լուս... Ավտովթար` Երևան-Մեղրի ճանապարհին. կա 4 վիրավո... Ադրբեջանի հայտարարություները հակասում են երկր... 2017 թվականի ամռան թոփ 5 ավտոմեքենաները (լուս... Ամուսնությունից հետո սեռական կյանքի 9 առանձնա... Իսրայելի բանակի գեղեցկուհիները (լուսանկարներ) Մերկ ճշմարտություն՝ Մելանյա Թրամփի մասին (տես...
Ամենաընթերցվածը
website by Sargssyan