Նիկոլի լեզուն չի՞ ենթարկվում ուղեղին
Երեկ երեկոյան Նիկոլ Փաշինյանը հերթական անգամ ուղիղ եթեր էր մտել Ֆեյսբուքում և ներկայացնում էր իր խմիչքների հավաքածուն: Ընթացքում մի «սուրհանդակ» թղթերը ձեռքին եկավ, Նիկոլի ականջին ինչ որ բաներ շշնջաց, որից հետո վերջինս նշեց, որ իր PR թիմը պահանջում է դադարեցնել հեռարձակումը:
Այս շոուն, ինչ խոսք, չափազանց զվարճալի էր, բայց չսահմանափակվենք միայն հումորով և ուշադրություն դարձնենք մի կարևոր նրբության վրա: Այս թեմային ընդհանրապես չէի անդրադառնա, եթե Նիկոլը միամիտ բերանից չթռցներ այն միտքը, որ իր հիմնական մրցակիցը Երևանի քաղաքապետի ընտրություններում Տարոն Մարգարյանն է: Առաջին հայացքից անմեղ միտք է, բայց այսպիսով Նիկոլը բացահայտեց իր՝ իշխանության շպիոն լինելու փաստը:
Նիկոլն այս «անմեղ» արտահայտությամբ մեսիջ էր ուղղում հանրությանը, որ ընտրեն իրենցից որևէ մեկին, այլ ոչ թե Զարուհի Փոստանջյանին՝ փորձելով վերջինիս լայն ընտրազանգվածից մի քանի ձայն ավել պոկել: Սա թերևս այն դեպքն է, երբ փորձառու աղվեսը երկու ոտքով է թակարդն ընկնում: Պարոն Փաշինյան, հորդորում եմ Ձեզ ավելի ուշադիր լինել մտքեր արտահայտելիս, այլապես ծառայությունները ոչ պատշաճ մատուցելու և ժամանակից շուտ խաղաքարտերը բացահայտելու պատճառով կարող եք հեռացվել «աշխատանքից»:
Մելս Թովմասյան. Ֆեյսբուք: