Ազատ Արշակյանն ինքն իր ձեռքով ապականում է իր կենսագրությունը
Հաստիքային վերլուծաբանների պակաս միշտ էլ չի եղել: Հետաքրքիրը այն է, որ դրանց թիվը մշտապես համալրվում է, այսինքն միշտ գտնվում են գործիչներ, ովքեր պատրաստ են համապատասխան վճարի դիմաց խոսել կամ ասել այն, ինչը նրանցից պահանջվում է, ընդ որում դա հրամցնել լուրջ վերլուծաբանի փաթեթավորմամբ, որպես քաղաքական գործընթացների գնահատական:
Սակայն որոշ դեպքերում անգամ հաստիքային վերլուծաբանները գործում են այնքան փնթի ձևով, որ անմիջապես պարզ է դառնում, որ նախօորոք պայմանավորվածություն է եղել ինչ-որ ուժի մասին մի հերյուրանք ասելու, ինչից հետո հաստիքայինին կանչել են խմբագրություն, գումարը տվել են, ասել են, թե նա ինչ պետք է խոսի, իսկ հետո միացրել են տեսախցիկը և գործը արվել է:
Նման մի դեպք վերջերս եղավ կայքերից մեկում, երբ որպես հաստիքային վերլուծաբան հանդես էր գալիս վերջերս պատգամավորության թեկնածու առաջադրված Ազատ Արշակյանը:
Նրան վերը նկարագրված կերպով կանչել էին կայքի խմբագրութւուն, ասել էին, թե ինչ պետք է ասի, այնուհետև միացրել էին տեսախցիկը և Ազատ Արշակյանը սկսել էր խոսել: Իսկ թեման «Ծառուկյան» դաշինքն էր: Դա մինագամայն պարզ զգացվում էր տեսանյութը դիտելիս, որտեղ Ազատ Արշակյանին ընդամենը մեկ հարց են տալիս, նա պատասխանում է այդ հարցին և տեսանյութը այդքանով ավարտվում է:
Ընդ որում Ազատ Արշակյանը ինքն էլ հասկանում է, որ իր ասածը հերյուրանք է, այդ պատճառով էլ խոսքի կեսից սկսում է կմկմալ՝ չիմանալով, թե ինչ ասել ու ինչպես ավարտել խոսքը:
Օրինակ հիմարություն է պնդել, որ «Ծառուկյան» դաշինքի գործունեությունը Հայաստանում կխորացնի տնտեսական ճգնաժամը, բայց Ազատ Արշակյանը նման բան է ասում: Իսկ երբ նրան հարցնում են, թե ինչ նկատի ունի նման բան ասելով, Ազատ Արշակյանը սկզբում կմկմում է, իսկ հետո ասում, որ «Ծառուկյան» դաշինքը օտարում է մանր և միջին բիզնեսը:
Թե ինչպես է քաղաքական ուժի գործունեությունը խորացնում տնտեսական ճգնաժամը, այն դեպքւոմ, երբ այդ ուժը որևէ առնչություն չունի պետական մարմինների գործունեության հետ, որոնք պատասխանատու են ՀՀ-ում տնտեսական իրավիճակի համար, հայտնի չէ: Թե ինչպես կարող է որևէ քաղաքական ուժի գործունեությունը օտարել միջին և մանր բիզնեսը, նույնպես հայտնի չէ, ավելին, վերջին պնդումը ուղղակի հիմարություն է, որը նաև խոսում է այդ պնդումը արտահայտող անձի հիմար լինելու մասին:
Բոլորն էլ գիտեն և հիշում են, որ «Ծառուկյան» դաշինքը իր նախընտրական ծրագրում ամենամեծ ուշադրությունն էր հատկացրել ՓՄՁ-ին ու ՀՀ տնտեսական զարգացմանը: Այդքանից հետո նման բան ասելը կամ վկայում է մարդու քաղաքական տգիտության մասին, կամ բացեիբաց մատնում, որ մարդը պատվեր է կատարում:
Զարմանալի է, երբ մարդ իր իսկ ձեռքով ապականում է իր կենսագրությունը՝ դառնալով ինչ-որ կայքերի վարձու վերլուծաբանը, որին հիշում են միայն այն ժամանակ, երբ պետք է «Ծառուկյան» դաշինքի մասին ինչ-որ հերյուրանք հրապարակել: Ազատ Արշակյանը պետք է վերաիմաստավորի իր կյանքը, այլապես միշտ կմնա վարձավճարով խոսացող:
Գագիկ Աբգարյան. Ֆեյսբուք: