Կհաջողվի արդյո՞ք ՀՀ մարմնամարզիկներին կրկնել 2016թ-ի Եվրոպայի առաջնությունում ունեցած հաջողությունը

Ռումինական Կլուժ-Նապոկա քաղաքում վաղը՝ ապրիլի 19-ին մեկնարկում է սպորտային մարմնամարզության 2017թ Եվորպայի առաջնությունը:ՀՀ պատվիրակությունը մարզաձևի ՀՀ ազագային հավաքականի գլխավոր մարզիչ Հակոբ Սերոբյանի ղեկավարությամբ Երևան- Թբիլիսի- Ստամբուլ- Կլուժ-Նապոկա երթուղով արդեն ապրիլի 14-ին ժամանել էին մրցավայրը:

Այս պատասխանատու ստուգատեսի տղմարդկանց մրցաշարում Հայաստանը ներկայացնելու են 6 մարզիկներ :Վերջիններիս թվում են 2016թ օլիմպիական խաղերում նժույգաթափերի վրա վրաժությունում 7-րդ տեղը գրաված, այս մրցաձևի 2015թ աշխարհի առաջնության բրոնզե մեդալակիր 2016թ Եվորպայի առաջնության չեմպիոն Հարություն Մերդինյանը, 2016թ Եվրոպայի առաջնության փոխչեմպիոններ ՝ Արթուր Դավթյանը հենացատկ և Վահագն Դավթյանը օղակներ, 2017թ Դոհայում ընթացած աշխարհի գավթի խաղարկության հաղթող Արթուր Թովմասյանը օղակներ, ինչպես նաև Նանակինի 2014թ պատանեկան ամառային օլիմպիկան 2-րդ խաղերի մասնակից Վիգեն Խաչատրյանն ու Արմեն Պետրոսյանը:

ՀՀ մարմնամարզիկները այս անգամ էլ ելույթ են ունենալու գլխավոր մարզչի օգնականներ ՝ Սոս Սարգսյանի և Արտյոմ Ավետյանի ղեկավարությամբ: Սերոբյանն ու ՀՀ պատվիրակնության ևս մեկ անդամ՝ Արթուր Գյուջինյանն ստուգատեսը սպասարկող մրցավարների շարքում կլինեն:

Հայկական մարմնամարզության անցած մրցաշրջանի հերոսներից մեկը՝ 2016թ Եվրոպայի երիտասարդական առաջնության արծաթե մեդալակիր Արթուր Ավետիսյանը (անձնական մարզիչ Հայկ Նազարյան) ներկայում ծառայության է անցնում ազգային բանակի սպորտային վաշտում ու այս անգամ չի մասնակցում Եվրոպայի առաջնությանը:
Ինչպես հայտնում են Մարմնամարզության ՀՀ ֆեդերացիայի գլխավոր քարտուղար Գանիկ Սարոյանը պարզբանում է .
«Սպորտային մարմնամարզության Եվրոպայի առաջնությունը ըստ նախնական հայտերի մասնակցելու են 36 երկրի 168 մարզիկ, որոնցից միայն 68-ը հանդես կգան բազմամարտում:

Որակավորման փուլում 1-24-րդ տեղը գրաված մարմնամարզիկները իրավունք կստանան բազմամարտի մրցաշարի եզրափակչում վիճակելու ստուգատեսի պարգևները: Նույն մարզիկների առանձին գործիքների վարժությունների լավագույն արդյունքներով 1-8-րդ տեղը գրավելու դեպքում իրավունք կստանան մասնակցելու նաև առանձին մրցաձևերի եզրափակիչների մրցապայքարին: Մեր մարմնամարզիկներից երկուսը՝ Արթուր Դավթյանը և Վիգեն Խաչատրյանը կմրցեն այս մրցակարգով և ելույթ կունենան բազմամարտի բոլոր ՝ 6 մրցձևերում: Իսկ ահա առանձին գործիքների նախնական մրցապայքարում եզրափակիչ փուլ մտնելու համար կպայքարեն՝ ազատ վարժություններում ՝113, նժույգաթափեր՝ 112, Օղակ-ներ՝ 110, հենացատկ-95, զուգափայտեր՝97, պտտաձող՝ 104 մարզիկներ, որոնք կպայքարեն եզրափակիչ անցնելու 1-8-րդ տեղերի համար: Ինչպես նկատելի է պայքարը թեժ է լինելու:

Արթուր Դավթյանն ու Վիգեն Խաչատրյանը ուժերը կչափեն բոլոր՝6 մրցաձևերում, ,Արմեն Պետրոսյան՝ 5 մրցաձևերում (բացի օղակներից), իսկ ահա Հարություն Մերդինյանը հանդես կգա իր նախասիրած ՝ նժույգաթափերի, Արթուր Թովմասյան և Վահագն Դավթյան՝ օղակների վարժության որակավորման մրցմանը:

Մարտին Կազանում ընթացած 2017թ ՌԴ-ի առաջնության արդյունքներով Եվրոպայի առաջնությունում ՌԴ-ի հավաքականի կազմում հանդես գալու համար ընդգրկվել էին տղամարդականց այս տարվա ՌԴ-ի առաջնության բազմամարտի և թիմային առաջնության չեմպիոն հենացատկի փոխչեմպիոն 20-ամյա միջազգային վարպետ Արթուր Դալալոյանը և 2016թ օլիմպիական խաղերի փոխչեմպիոնուհի, 2017թ ՌԴ առաջնությունում 3 ոսկե ( թիմային , հենցատկում և հավասարակշռության գերանի վրա վարժության) ու մեկ բրոնզե (ազատ վարժությունում) մեդալ նվաճած , ծննդով գյումրեցի, սպորտի վաստակավոր վարպետ 17-ամյա Սեդա Թութխալյանը: Սակայն մարտի 18-19-ին Շտուգարդում (Գերմանիա) տեղի ունենալիք աշխարհի գավաթի խաղարկության նախապատրաստական շրջանում մարզումների ժամանակ Թութխալյանը ոտքի լուրջ վնասված ստացավ ու ոչ միայն Գերմանիայում ընթացած աշխարհի գավաթի խաղարկությունն, այլ նաև ապրիլի 19-23-ը ռումինական Կլուժ-Նապոկայքաղաքում անցկացվելիք Եվրոպայի առաջնությունն էլ ստիպված է բաց թողնել:

Ըստ մրցաշարի ժամանակացույցի Եվրոպայի առաջնությունը կմեկնարկի ապրիլի 19-ին տղամարդկանց բազմամարտի որակավորման մրցումով: Ապրիլի 20-ին կընթանա կանանց բազմամարտի որակավորման մրցումը: Ապրիլի 21-ին կխաղարկվեն Եվրոպայի անհատական առաջնության կանանց և տղամարդկանց բազմամարտի եզրափակիչների մեդալները: Ստուգատեսի ավարտական 2 օրերում ՝ ապրիլի 22-23-ին կորոշվեն առանձին գործիքների վրա վարժությունների եզրափակիչների մրցանակակիրները:

Արամ Ուգուջյան. Ֆեյսբուք: