Բատկան սթափվում է. նա ընդունում է, որ իր մտերիմ ընկեր Ալիևը հրետակոծում է խաղաղ բնակչությանը
Բատկան սթափվում է
Արցախի հարցի վերաբերյալ պետություններն ունեն տարբեր մոտեցումներ, որոնք ունեն սուբյեկտիվ և օբյեկտիվ մոտիվացիաներ: Այս հարցում առանձնակի հետաքրքրական է հատկապես ԵԱՏՄ-ում և ԱՊՀ-ում մեր դաշնակից Բելառուսի դիրքորոշումը, որը պարբերաբար Ադրբեջանին զենք-զինամթերք է մատակարարում` հստակ իմանալով, որ դրանք բացառապես օգտագործվելու են հայկական զինուժի և խաղաղ բնակչության դեմ:
Բելառուսը ոչ մի կերպ չարձագանքեց ապրիլյան քառօրյայի դեպքերից հետո, երբ հրետակոծվում էր հայկական գյուղերն ու քաղաքները, իսկ բոլորովին վերջերս տեղի ունեցած բլոգեր Լապշինի դեպքն ուղղակի ցնցեց գրեթե բոլորիս:
Օրերս հետաքրքրիր հայտարարությամբ է հանդես եկել Բելառուսի նախագահ Ալեքսանդր Լուկաշենկոն: Նա հայտարարել է, թե ԱՊՀ-ն պետք է ակտիվ դերակատարություն ստանձնի հետխորհրդային տարածաշրջանում առկա կոնֆլիկտների կարգավորման հարցում:
Լուկաշենկոն մասնավորապես ասել է. «Մենք ԱՊՀ շրջանակներում պետք է կարգավորեինք հետխորհրդային տարածքում առկա հակամարտությունները, այդ թվում Արցախի խնդիրը, Դոմբասի հակամարտությունն Ուկրաինայում, բայց դա չի արվել, և դա չի կատարվում, ոչ թե նրա համար, որ հնարավոր չէ դրանք կարգավորվել, այլ ուղղակի հակամարտող կողմերն ունեն տարբեր շահեր»:
Բելառուսի նախագահը գտնում է, որ այդ հակամարտությունները կարգավորելիս պետք է հաշվի առնել մարդկանց շահերը: Լուկաշենկոն նաև ասել է. «Ի՞նչ է տիրում Արցախում. ի՞նչ է այնտեղ մարդիկ լավ ե՞ն ապրում, ապրելով մշտական ռազմական վտանգի առկայության տակ: Նրանք ուղղակի ապրում են և սպասում, թե ինչ է կատարվելու. Աստված չանի հերթական ռուբն ընկնի գլխներին: Սա իհարկե աննորմալ է և ոչ մեկին ձեռնտու չէ»:
Փաստացի կարող ենք արձանագրել, որ Բատկան ընդունում է, որ իր մտերիմ ընկեր Ալիևը հրետակոծում է խաղաղ բնակիչությանը և հարցի նման կարգավորումն ուղղակի անթույատրելի է:
Արմեն Հովասափյան. Ֆեյսբուք