Վահե Էնֆիաջյանը ցանկանում է հանդիպել իր կրկնօրինակին (լուսանկարներ)

Operativ.am-ի բլից հարցերին պատասխանում է ԱԺ հինգերորդ գումարման ԲՀԿ խմբակցության պատգամավոր Վահե Էնֆիաջյանը:

-Մանկության օրեր երազի՞ նման:

-Անցան գնացին' թողնելով միայն լավ ու բարի հիշողություններ:

-Կա՞ որևէ թևավոր խոսք, որով առաջնորդվում եք:

-Թևավոր խոսքեր, որով որ առաջնորդվում եմ' շատ են:

-Ի՞նչ կցանկանայիք փոխել Ձեր անցյալում:

-Վստահաբար' ոչինչ:

-Մարդկային ո՞ր մեղքն է Ձեզ համար սկզբունքորեն անընդունելի:

-Մարդասպանությունը:

-Ո՞րն է Ձեր խառնվածքի ամենավատ հատկանիշը:

-Եթե բծախնդրությունը վատ հատկանիշ է, ապա ինձ մոտ դա կա:

-Եթե հանդիպեք Ձեր կրկնօրինակին, կընկերանա՞ք նրա հետ:

-Անպայման, նա կկիսեր իմ ծանրաբեռնվածությունը:

-Հաջողա՞կ մարդ եք:

-Ես ինձ համարում եմ հաջողակ, որովհետև հակառակը համարելու ոչ մի հիմք չունեմ:

-Ձեր թուլությունը …

-Երեխաներս:

-Կա՞ մեկը, ումից կցանկանայիք ներողություն խնդրել, բայց այլևս հնարավորություն չունեք:

-Հարկ եղած դեպքում առանց երկմտելու ներողություն խնդրում եմ:

-Ձեր կյանքի ամենադաժան կատակը:

-Ընկերներիս հետ անում եմ նման կատակներ, բայց առաձնացնել որևէ մեկը չեմ կարող (մնացածը կնեղանան ):

-Ձեր կյանքի ամենամեծ խենթությունը:

-Դա զուտ անձնական է:

-Երջանիկ է այն մարդը, ով...

-Երջանկացնում է մեծ թվով մարդկանց:

-Համարձակ կամ խենթ քայլեր, որ արել եք Ձեր սիրելիի համար:

-Դա այն խենթ քայլերի շարքին է դասվում, որը որ խիստ անձնական է:

-Անմարդաբնակ կղզում հայտնվելուց առաջ հնարավորություն ունեք երեք իր տանել. Ինչե՞ր կլինեն դրանք:

-Եթե նման հրաշք լիներ, ինձ ոչինչ հարկավոր չէր լինի բացի մի բանից' ինձ անհրաժեշտ կլիներ ընդամենը 1 ոսկե ձկնիկ:

-Դուք՝ քսան տարի անց:

-54 տարեկան Վահե Էնֆիաջյան:

Հեղինակ՝ Սեդա Ղուկասյան