Ինչ քաղաքականություն են մտադիր իրականացնել «Ծառուկյան» դաշինքն ու «Հայկական Վերածնունդը»
Այսօր՝ փետրվարի 20-ին, լրագրողների հետ հանդիպաման ժամանակ «Ծառուկյան» դաշինքից Վարդան Բոստանջյանը և «Հայկական Վերածնունդ»-ից Մհեր Շահգելդյանը խոսեցին ներքաղաքական իրավիճակի, առաջիկա ընտրությունների և դաշինքների մասին:
Վարդան Բոստանջյանը նշեց, որ ուզում է հավատալ՝ խորհրդարանական ընտրություններին մասնակցող բոլոր քաղաքական ուժերին պետք է հավասար համարել: Նրա խոսքով՝ միայն հավասար պայմաններ ապահովելով է հնարավոր ապահովել ազատ ու արդար ընտրություններ:
«Ուժերի մեջ ակնհայտ տարբերություններ կան, օրինակ` մեր առջնորդն արդեն իսկ իր գործերով հանրապետությունում ճանաչված է, լայն ճակատով իրականացրած գործ է արել, մեծ բարեգործություններ և այլն: Քաղաքական առումով մենք ավելի ընդլայնված խումբ ենք, որոշակիորեն կարող ենք առավելություն ենթադրել մրցակացության պայմաններում»,- ասաց Վարդան Բոստանջյանը:
Նշենք նաև, որ վերջինս «Ծառուկյան» դաշինքի ցուցակում 4-րդ տեղն է զբաղեցնում:
Իսկ «Հայկական վերածնունդ» կուսակցության ցուցակում 2-րդ տեղը զբաղեցնող Մհեր Շահգելդյան էլ բոլորին հաջող քարոզարշավ է մաղթում և գտնում է, որ յուրաքանչյուր քաղաքական ուժ կներկայանա իր մոտեցումներով, իսկ հասարակությունը՝ կկողմոնորոշվի:
««ՀՎ»-ն, բնականաբար, գնում է ընտրությունների ծրագրային, ստրատեգիական մոտեցմուներով և ներկայացնելու է կոնկրետ կետեր, որոնք ուղղված են երկրի անվտանգության ապահովմանը, սոցիալական պաշտապանությանը և երկրի տնտեսական զարգացմանը: Մեր առավելություն լիդերի առկայությունն, մեր ղեկավարը` Արթուր Բաղդասարյանը, այն քաղաքական գործիչն է, որն ունի հռետորական արվեստ, քաղաքական փորձ, մեծ ավանդ ունի պետության համար, կրթական ուսումնական հաստատութուններ է ստեղծել, որոնք կադրեր են պատրաստում ՀՀ-ի համար»,- նշեց նա:
Իսկ մյուս բանախոս Վարդան Բոստանջյանը, համաձայնելով Շահգելդյանի հետ, որ պետք է ծրագրերով առաջնորդվել, շեշտեց, որ շատ անգամ ծրագրերը չեն իրականցվում:
Ըստ նրա՝ «Ծառուկյան» դաշինքն ուժեղ է իր ծրագրերով, քանի որ անիրականանալի կետեր չի առաջարկել:
«Բոլորը տիեզերական վարպետներ են դարձել ծագիր գրելու, բայց չի իրականացվում: Մենք կարող ենք մեզ ուժեղ զգալ, մեր առաջնորդն արտակարգ ծրագրեր չի ներկայացնում, պարզապես գործ է անում: Մենք առանձնացրել են 15 կետ, որոնք մեր հասարակությանը հուզող կետեր են են` կենսաթոշակի, միջին աշխատավարձի, գազի և էլԷներգիայի սպառման և այլն»,- նշեց նա: