на Русском
Երևանի մանկապարտեզներում երկարօրյա ծառայությո... 
Հենրի Քավիլն առաջին անգամ հայր կդառնա
Ինքն իրան հակասում ա, եթե էդ բաները գիտեր՝ թող էդ վախտ բարձրաձայներ. գեներալ Մանվելը՝ Սեյրան Օհանյանի մասին (տեսանյութ և լուսանկարներ)
Այսօր՝ փետրվարի 18-ին, Երկրապահ կամավորների միության 11-րդ համագումարից հետո տեղի ունեցավ ԵԿՄ նախագահ, գեներալ Մանվել Գրիգորյանի ասուլիսը, որի ժամանակ նա անդրադարձավ բազմաթիվ հարցերի, այդ թվում նաև այն հարցին, թե ՊՆ նախկին նախարար Սեյրան Օհանյանն արշավ է սկսել իշխանությունների դեմ և այժմ հայտարարում է, որ ՀՀ-ում կան քաղբանտարկյալներ: Այն հարցին, թե ինչպես եք վերաբերում այս հայտարարություններին, վերջինս նշեց, որ բոլոր ժամանակներում քաղբանտարկյալներ ամեն տեղ էլ եղել են, ինչպես քաղաքական հայացների, այնպես էլ՝ այլ երևույթների համար:
«Ինքը, եթե էդ քաղբանտարկյալների տեղը գիտեր, գոնե մի անգամ պետք ա արտահայտվեր իր պատասխանատու իշխանության ժամանակ, իսկ, եթե իշխանությունը թողել, եկել, նոր…էս մի քանի օրվա մեջ ե՞ն էլե դրանք քաղբանդարկյալներ, թե՞ վաղուց կային։ Ինքն իրա ասածներին հակասում ա, չեմ ուզում ես… ես իրան համարում եմ ինձ մարտական ընկեր, էս երկրում արած: Ես համարում եմ, որ նմանատիպ մարդիկ...մի քիչ ուրիշ լեզվով ասեմ՝ «Յաձեռնի նասիծելներ» են: Պետական պատասխանատու մարդիկ, երբ որ սկսում են պետությունից դժգոհել, մի քիչ ես դժվարանում եմ հասկանալ, որովհետև դրանք պետական հա՛մ գաղտնիքները գիտեն, հա՛մ պետական անվտանգությունը, հա՛մ պետության բաց ու լավ կողմերը՝ քննադատելը հեշտ կլիներ: Եթե էդ բաները գիտեր, թող էդ վախտ բարձրաձայներ»,- նշեց նա:
