Վրաստանի նախագահը պատրիարքարանում մահափորձի նախապատրաստման գործով հետաքննության ավարտին է սպասում
Վրաստանի նախագահ Գեորգի Մարգվելաշվիլին իր անհանգստությունն է հայտնել Վրաց Ուղղաթառ եկեղեցու կաթողիկոս-պատրիարքի դեմ նախապատրաստվող սպանության մասին լուրը լսելուց հետո: Այս մասին գրում է «Новости Грузия» գործակալությունը՝ հղում տալով նախագահի՝ կատարած հայտարարությանը:
Մարգվելաշվիլին նշել է, որ ելնելով պետության շահերից՝ հետաքննությունն առաջիկայում պետք է պատասխաններ տա մահափորձի ծրագրման հնարավոր մասնակիցների և պատվիրատուների մասին:
«Մենք դատախազության հետ ակտիվ կապի մեջ ենք, հետևում ենք ընթացող գործընթացին, քանի որ այդ ամենը բխում է պետության շահերից: Կարծում եմ, որ հետաքննությունը կտա բոլոր անհրաժեշտ պատասխանները դեպքի հետ կապված»,-ասել է նախագահը: