Հայաստանի «լրտեսը» միացավ Բաքվում պատսպարված դավաճան հայերին

Ադրբեջանաան ԶԼՄ-ները հպարտորեն հաղորդում են,որ Ադրբեջանի Ազգային Անվտանգության կոմիտեի կողմից ձևավորված,այսպես կոչված «Հայաստանի և Ադրբեջանի միջև խաղաղության հարթակ»-ին միացել է նաև հայտնի ազերի լրագրող Ռաուֆ Միրկադիրովը:

Հիշեցնեմ, որ այս հարթակ կոչվածի մեջ են մտել նաև մի քանի դավաճաններ Հայաստանից,որոնք սեփական հայրենիքում հանցանքներ կատարելուց հետո՝ փորձելով պատժից խուսափել, փախել են Բաքու,իրենց ներկայացնում են որպես հայտնի հասարակական և քաղաքական գործիչներ և այնտեղ զբաղվում են հայ-ադրբեջանական «բարեկամության» հաստատմամբ:

Միրկադիրովի միանալն այս հարթակ կոչվածին տարրական կանտեսեի,եթե չիներ մի հետաքրքիր հանգամանք կապված այս անձի անցյալի հետ:

Ադրբեջանական իշխանությունների կողմից սիրված այս լրագրողը,որը 2005 թ-ին Իլհամ Ալիևի ձեռքից ստացել էր «Ադրբեջանի վաստակավոր լրագրող» կոչումն ընդամենը մի քանի տարի հետո դարձավ Բաքվի իշխանավորի անձնական թշնամին:

Պատճառներից մեկն այն էր, որ Միրկադիրովը զբաղվում էր ինքնագործունեությամբ.նա ստանալով հովանավորություն Եվրամիությունից փորձում էր կապեր հաստատել հայ և ադրբեջանական հասարակական կազմակերպությունների հետ: Միրկադիրովի այս գործունեությունն այնքան դուր չէր գալիս Ալիևին,որ վերջինս 2014 թ-ի ապրիլին հրամայեց ձերբակալել հայտնի լրագրողին և մեղադրեց նրան լրտեսության մեջ...Ազերիական մամուլը այդ օրերին վխտում էր Միրկադիրովի դեմ հոդվածներով,որոնցում նրան մեղադրում էին Հայաստանի համար լրտեսություն անելու մեջ...Միրկադիրովը հռչակվել էր ազգի դավաճան: Ու դա ընդամենը խաղաղասիրական կոչերի համար: 

2016 թ-ին Միրկադիրովին ադրբեջանական արդար դատարանը դատապարտեց 6 տարի ազատազրկման,սակայն դատավճիռը հրապարակելուց մի քանի ամիս անց նրան ազատ արձակեցին և Միրկադիրովը շատ արագ փախավ Բաքվից..Հիմա քաղաքական ապաստան է ստացել Շվեյցարիայում և ապրում է այդ երկրում:

Հիմա, այս մարդը, որին ձերբակալել և բանտ էին նետել առանց Իլհամ Ալիևի թույլտվության հայերին «բարևելու» համար, միանում է նույն Ալիևի և հայստանյան մի քանի դավաճանների նախաձեռնությանը,որոնք փորձում են միակողմանի մեկնաբանել Արցախյան հակամարտությունը և հայ-ադրբեջանական հարաբերություններն՝ամեն ինչում մեղադրելով հայկական կողմերին:

Ես կարծում եմ, որ Ռաուֆ Միրկադիրովն այս հարթակ կոչվածին միացել է ստիպողաբար...Պաշտոնական Բաքուն սիրում է կոմպրոմատներով խոսել և հաճույք է ստանում իր ախոյաններին հասարակության առաջ «փչացնելու» գործողություններից: Միրկադիրովը չդիմացավ և միացավ Ալիևի այս պրոեկտին...Հերթը Յունուս ամուսիններին է, որոնց Իլհամ Ալիևի վարչակարգը ևս մեղադրում էր Հայաստանի համար լրտեսության մեջ:

Հ.Գ.Բաքուն Միրկադիրովին իր բաց գործունեության համար մեղադրում էր դավաճանության մեջ,իսկ մի քանի ստահակ հայաստանցիների,որոնք գաղտագողի ճանապարհներով հասել են Բաքու համարում է հերոսներ:

Հետևությունները թողնում եմ Ձեզ:

Գագիկ Համբարյան. ֆեյսբուք: