Ամեն ինչ կպարզվի համագումարից հետո
«Հրապարակ» թերթը գրում է. «Շաբաթ օրը կայանալու է «Ալյանս» կուսակցության արտահերթ համագումարը, որի ժամանակ կհայտարարվի, թե ում հետ են դաշինք կազմելու ԱԺ ընտրություններին մասնակցելու համար: Կընտրվեն կուսակցության նոր վարչություն և նախագահ, իսկ Տիգրան Ուրիխանյանը կզբաղեցնի գործադիր կոմիտեի ղեկավարի պաշտոնը՝ փաստացի կառավարելով «Ալյանսը»:
Մեր տեղեկություններով, «Ալյանսը» բանակցում է Սեյրան Օհանյանի և «Համախմբում» կուսակցության հետ, սակայն «Ալյանսի» խոսնակ Վարդան Քոչարյանն ասաց․ «Մենք բանակցություններ չենք վարում, այլ լսում ենք առաջարկներ և պատրաստ ենք աջակցել բոլոր նրանց, ում ընդունում է ժողովուրդը, սակայն մենք մեր որոշումն ունենք, և համագումարի օրը բոլորը դրա մասին կիմանան»: