Քիմ Քարդաշյանը թքած կունենար այդ քննադատությունների վրա. Բորիս Մուրազի (տեսանյութ)
Այսօր՝ հունվարի 11-ին, լրագրողների հետ հանդիպման ժամանակ «Սինջար» Հ/Կ-ի ղեկավար Բորիս Մուրազին, «Խտրականության դեմ պայքարի և հանուն հավասարության» կոալիցիայի համակարգող Անահիտ Չիլինգարյանը, «Ընդդեմ կանանց նկատմամբ բռնության» կոալիցիայի համակարգող Զարուհի Հովհաննիսյանը խոսեցին Հայաստանում խառն ամուսնությունների և հանրության վերաբերմունքի, արձագանքների, «Մարաշլյան» ֆոտոստուդիայի լուսանկարի շուրջ:
Անդրադառնալով «Մարաշլյան» ֆոտոստուդիայի լուսանկարի շուրջ ծագած խոսակցություններին և պատասխաննելով այն համեմատական հարցին, թե, երբ Քիմ Քարդաշյանն էր եկել Հայաստան իր հայտնի երգիչ ամսունու հետ այն նույն մարդիկ, ովքեր այդքան դեմ էին վերաբերվում այդ լուսանկարին կամ հենց երևույթին, ում կողմից հնչում էր ռասիստական հայտարարություններ, հենց այդ նույն մարդկանց կողմից նույն վերաբերմունքը չեղավ, այլ` հակառակը, ասում էին. «Մեր փեսա, ազգի փեսա» և հենց այդ մարդիկ հրճվանք էին ապրում, ո՞րն էր խնդիրը:
Զարուհի Հովհաննիսյանը նշեց, որ երեսպաշտությունն ակնհայտ էր, որովհետև Քիմ Քարդաշյանը համայնքի սեփականությունը չէր և նա այլ մակարդակի անձ, անհատականություն է, ումով հպարտանալը համայնքին բերում է դիվիդենտներ:
«Այստեղ մենք դիտարկում ենք ապրանքի գնի բարձր լինելու խնդիրը, որը բավականին կոպիտ և այս դեպքում ևս թեկուզ Քիմ Քարդաշյանի հանդեպ ապրանքային մոտեցումը մարդու իրավունքի կոպիտ խախտում եմ ես դիտարկում: Կրկին մարդուն ապրանքայնացնում են, գին են նշանակում և այդ գինը որքան իրենց շահույթ կբերի, այդպես են դիտարկում»,- ասաց բանախոսը:
Ըստ նրա՝ այստեղ նաև կա գրագիտության պակաս:
Մյուս բանախոսի կարծիքով՝ Քիմ Քարդաշյանի նկատմամբ քննադատություննեը շատ չէին:
«Քիմ Քարդաշյանը թքած կունենար այդ քննադատությունների վրա, իսկ եթե ավելի ճիշտ խոսենք, ապա եղան բողոքի ակցիաներ Կառավարության շենքի դիմաց, որ նա պետք է այս ինչ մասով ճանաչի Ցեղասպանությունը և ամեն դեպքում եղավ այդ արձագանքը: Ես նկատում եմ, որ մարդիկ, ովքեր խտրական հայտարարություններ են անում, իշխանությունների, իրավապահ մարմինների կողմից պատասխանատվության չեն ենթարկվում և հենց դա է պատճառը, որ այդ մարդիկ իրենց շատ ազատ են զգում»,- ասաց «Սինջար» Հ/Կ-ի ղեկավար Բորիս Մուրազին:
Առավել մանրամասն՝ տեսանյութում: