«ԻՊ»-ը ստանձնել է Բաղդադի պայթյունի պատասխանատվությունը
«ԻՊ»-ի զինյալները ստանձնել են Իրաքի մայրաքաղաք Բաղդադի` գլխավորապես շիաներով բնակեցված տարածքի շուկայում իրականացված հերթական ահաբեկչական հարձկման պատասխանատվությունը: Այս մասին գրում է Reuters գործակալությունը:
Իրաքի ներքին գործերի նախարարության ներկայացուցիչ Սաահ Մաան ասել է, որ ահաբկչին նկատել է ոստիկաններից մեկը, կրակ բացել նրա ուղղությամբ, սակայն ահաբեկիչը գործի է դրել մեքենայում տեղադրված ռումբը: Այս ահաբեկչական գործողությունը հիշեցնում է նախորդ ահաբեկչական հարձակումները, որոնք օրեր առաջ տեղի էին ունեցել Իրաքի տարածքում:
Հիշեցնենք, որ Բաղդադում ականապատ ավտոմեքենայի պայթյունին զոհ է գնացել 13 մարդ, ավելի քան 50-ն էլ վիրավորվել է: