Հայաստանի պարտականություններն անում է Իսրայելը
Ադրբեջանական ԶԼՄ-ները մի քանի օր է ցնծության մեջ են: Ադրբեջանի ԱԳՆ-ի տխրահռչակ «սև ցուցակի» անդամներից մեկին՝ հայտնի բլոգեր Ալեքսանդր Լապշինին, նոյեմբերի 15-ին Բաքվի պահանջով երկու ամսով ձերբակալել են Բելառուսի մայրաքաղաք Մինսկում:
Ադրբեջանի իշխանությունները Լապշինի ձերբակալության և նրա Ադրբեջան էքստրադիցիայի հետ շատ մեծ հույսեր են կապում: Նրանք այդ քայլով ահաբեկելու են բոլորին, ովքեր առանց Բաքվի թույլտվության այսուհետ կփորձեն այցելել Արցախ:
Այսօր արդեն պարզվել էր,որ Լապշինին Մինսկի Պերվոմայսկի շրջանի շրջանայն ոստիկանությունից արդեն տեղափոխել են ժամանակավոր մեկուսարան...Սակայն շաբաթն ուրբաքից շուտ եկավ: Իսրայելական «Հաարեց» թերթը տեղեկացրել է,ո ր Ալեքսանդր Լապշինի շահերը պաշտպանելու է «Սիոնիստական շարժում» կազմակերպության իրավաբան Քսենիա Սվետլովան, ով արդեն է դիմել հրեական պետության ԱԳՆ՝ հորդորելով ամեն ինչ ձեռնարկել Իսրայելի քաղաքացի Ա.Լապշինին ազատ արձակելու համար, ինչպես նաև թույլ չտալու,որ վերջինիս հանձնեն Ադրբեջանին:
Սվետլովան հայտնել է,որ հրեական պետության դիվանագետները Մինսկում արդեն են հանդիպել Լապշինի կնոջ՝ Եկատերինա Կոպիլովայի հետ, իսկ շուտով պատրաստվում են այցելել մեկուսարան և ծանոթանալ Լապշինի հետ: Ձեռքները ծալած չի նստել նաև Իսրայելի ԱԳՆ-ն,որի ներկայացուցիչը «Հաարեց»-ին հայտնել է,ո ր նրանք ձեռնակում են ամեն ինչ,ո ր Լապշինին ազատ արձակեն և չհանձնեն Ադրբեջանին, քանի որ դա կբերի իսրայելա-ադրբեջանական հարաբերությունների վատթարացմանը:
Չեմ կասկածում, որ Իսրայելին կհաջողվի Լապշինին ազատ արձակել և հետ վերադարձնել հրեական պետություն, քանի որ փորձը ցույց է տալիս, որ Իսրայելը դժվար իրավիճակներում հայտնված իր քաղաքացիներին և հրեաներին երբեք անպաշտպան չի թողնում:
Սակայն զարմանալին մեր՝ Հայաստանի ԱԳՆ-ի զավեշտալի և անպաշտպան լռությունն է: Արցախ այցելած և Արցախը գովազդող մարդուն ձերբակալում են մեր «հարազատ» Բելառուսում, իսկ ՀՀ-ն զարմանալիորեն լռում է: Այնպիսի տպավորություն է, որ Լապշինի ձերբակալությունը մեզ հետ բացարձակ կապ չունի:
Զզվելի է տեսնել ՀՀ ԱԳՆ-ի անպաշտպան անբանությունը: Հիմա կհայտնվեն Է.Նալբանդյանի «վկաները» և պաթոսահարված կփորձեն բացատրել, որ ՀՀ դեսպանը Բելառուսում ևս այցելել է Լապշինին:
Սակայն այդ աշխատանքը և նրանց տիտանիկ գուծունեությունը նրանք չեն գովազդում, որ «չվնասեն» Լապշինին: Մի մասն էլ հիմա կփորձի բացատրել, որ շատ լավ է, որ ՀՀ-ն չի խառնվել այդ գործին՝ դրան չվնասելու համար: Սակայն ինձ մի հարց է հետաքրքրում: Ինչպե՞ս են մեր անողնաշար ԱԳՆ-ում պատկերացնում, թե Լապշինի հետ կապված դեպքից հետո էլ քանի բլոգերներ և զբոսաշրջիկներ են այցելելու Արցախ և ճշմարտությունը պատմելու Հայաստանի դրախտավայրային այդ անկյուններից մեկի մասին:
Համոզված եմ, որ այցելուների թիվը կտրուկ կկրճատվի, քանի որ հրավիրող կողմը թքած ունի, թե Արցախ այցելելուց հետո այդ մարդկանց հետ ինչ է տեղի ունենալու:
Կարևորն այն էր, որ մինչև Թել Ավիվի խառնվելն այս գործին պաշտոնական Երևանը ևս հանդես գար հայտարարությամբ և փորձեր հնարավորինս օգնել Լապշինին:
Սակայն ինչպես միշտ մեր դիվանագետները լռեցին: «Անձայն և լռակյաց» դիվանագիտությունը մեր մենաշնորհն է:
Գագիկ Համբարյան. Ֆեյսբուք