Ծաղիկների փառատոն Իսպանիայում (լուսանկարներ)

Իսպանիայի Կորդոբա քաղաքում կա մի շատ հետաքրքիր սովորույթ. յուրաքանչյուր տարի քաղաքը «ողողվում» է հազարավոր ծաղիկներով և բույսերով: Սկսվում է Ծաղիկների փառատոնը:

Այս հիանալի տոնի առաջացման պատճառը տեղի կլիման է: Դեռևս Կորդոբան հիմնադրած հին հռոմեացիները հարմարեցրել էին տները շոգ և չոր կլիմայական պայմաններին` ստեղծելով ներքին բակեր: Որպեսզի թարմության և զովության զգացում առաջանա' բակերը սկսում են զարդարել բուսականությամբ:

1932 թ. ծնվում է այս գեղեցիկ ավանդույթը` զարդարել բակերը թարմ ծաղիկներով` ցուցադրելով այգեգործության և ֆլորիստիկայի հրաշքները:

Խիստ ժյուրին գնահատում է բակերը մի քանի չափանիշներով. հաշվի են առնվում`
ծաղիկների բազմազանությունը,
կոմպոզիցիան,
էսթետիկ տեսքը,
տարածքի հագեցվածությունը:

Հաղթողը ստանում է հեղինակավոր տարբերակիչ նշան` "Patios y Cruces" և խոշոր դրամական մրցանակ: