Վարչապետի և նոր նախարարների կողմից ՀՀԿ անդամ դառնալու դիմումներ չենք ստացել. Վահրամ Բաղդասարյան
Այսօր՝ հոկտեմբերի 28-ին, ԱԺ-ում տեղի ունեցած ճեպազրույցների ժամանակ ՀՀԿ ղեկավար Վահրամ Բաղդասարյանը, լրագրողների հետ զրույցում պատասխանելով այն հարցին, թե հնարավոր է, որ նոյեմբերի 26-ին ՀՀԿ համագումարին վարչապետ Կարեն Կարապետյանի և ոչ ՀՀԿ-ական նախարարների՝ կուսակցության անդամ դառնալու մասին որոշում կայացվի, նա պատասխանեց. «Եթե վարչապետը և Կառավարության նոր անդամները ցանկություն հայտնեն ՀՀԿ անդամ դառնալ, ապա կդիմեն, հարցը կքննարկվի և որոշում կկայացվի»:
Վահրամ Բաղդասարյանի խոսքով՝ եթե վարչապետ Կարեն Կարապետյանը ՀՀԿ անդամ դառնալու հարցով դիմի, ապա դա կքննարկվի։ Առայժմ նման դիմումներ չեն ստացել:
Այն հարցին, թե կա արդյոք նման բան, որ ընտրական գործընթացը տեսանկարահանելու որոշումը չի կայանա, ինչպես հայտնել էր ՀԱԿ խմբակցության ղեկավար Լևոն Զուրաբյանը, Վահրամ Բաղդասարյանը պատասխանեց. «Նման տեղեկություն չունեմ, բայց այն, ինչ պայմանավորվել ենք, ուժի մեջ է: Եթե կան տեխնիկական խնդիրներ, ապա դա այլ է, բայց նման ինֆորմացիա չկա»: