Ի՞նչ մեղադրանքներ, ինչի՞ պիտի դա կապվի իմ հետ. Սամվել Ալեքսանյանը՝ «Ձկնկուլ»-ի սպանության մասին
Այսօր՝ հոկտեմբերի 26-ին, ԱԺ-ում լրագրողները փոձեցին պարզաբանում ստանալ ՀՀԿ-ական պատգամավոր Սամվել Ալեքսանյանից, կապված «Քաղաքացիական պայմանագիր» կուսակցության վարչության անդամ, ԱԺ պատգամավոր Նիկոլ Փաշինյանի հայտարարության հետ, որ Մոսկվայում ռուսաստանաբնակ «Ձկնկուլ» մականունով հայտնի Արմեն Իսրայելյանի սպանության հետքերը բերում են Ազգային Ժողով:
«Ի՞նչ սպանություն, իմ հետ ինչի՞ պիտի դա կապվի: Նիկոլը ե՞րբ ա ճիշտ ասել, որ հիմա ասի»,- պնդեց նա:
Այն դիտարկմանը, թե սպանված Արմեն Իսրայելյանն իր գործընկերն է եղել, պատգամավորն արձագանքեց. «Ի՞նչ գործընկեր, ես գործընկերներ չունեմ»
Ինչ վերաբերում է նրան, թե իր դեմ մեղադրանքներ է հնչեցվել, նա ասաց. «Ի՞նչ մեղադրանքներ, ես հավես չունեմ այ ցավդ տանեմ»,- ասաց նա:
Հիշեցնենք, որ Մոսկվայում սպանվել էր «Ձկնկուլ» մականունով հայտնի Արմեն Իսրայելյանն, ով աշխատել է Ազգային ժողովի պատգամավոր Սամվել Ալեքսանյանի հետ: