Մամիկոն Ղարիբյանն ու Մարիամ Մկրտչյանն աշխարհի առաջնությունում չեմպիոնական գրաֆիկով են առաջ շարժվում
Հոկտեմբերի 20-ից Վրաստանում` Աջարիայի մայրաքաղաք Բաթումիում, ընթանում է մինչև 8,10 և12 տարեկան աղջիկների և պատանիների շախմատի աշխարհի առաջնությունը: Սուգատեսի տարիքային 3 խմբերում աշխարհի չեմպիոնի կոչումն են վիճարկում ընդհանուր առամբ 66 երկրի 722 մարզիկ, այդ թվում 427 շախմատիստ, 295 շախմատիստուհի: Շախմատի ՀՀ պատանեկան հավաքականի գլխավոր մարզիչ , համաշխարհային օլիմպիադաների կրկնակի չեմպիոն, ԽՍՀՄ վերջին չեմպիոն (1991թ), ՀՀ 6–ակի չեմպիոն, 49-ամյա գրոսմայստեր Արտաշես Մինասյանի ղեկավարությամբ ստուգատեսին մասնակցում են 29 մարզիկ, այդ թվում 16 շախմատիստ ու 13 շախմատիստուհի:
Խաղացած 3 տուրից հետո փայլուն են հանդես գալիս մինչև 12 տարեկան պատանիների և աղջիկների խմբերում ելույթ ունեցող գյումրեցի Մամիկոն Ղարիբյանն ու երևանցի Մարիամ Մկրտչյանը: Նրանք 100 տոկոսանոց արդյունքով՝ 3-ական միավորով մրցաշարային աղյուսակը գլխավորողների թվում են:
Եվ դա ամենևին էլ պատահական չէ: Մամիկոնը մինչև 10 տաերականների 2014թ-ի, իսկ մինչև 12 տարկանների էլ 2016թ.-ի Եվրոպայի չեմպոինն է, իսկ Մարիամն էլ մինչև10 տարեկան աղջիկների 2014թ.-ի Եվրոպայի փոխչեմպիոնուհին է: Մամիկոնը Բաթումիում տոնած 3 հաղթանակների շնորհիվ արդեն 20 կետով բարելավել է իր անհատական ընթացիկ վարկանիշը, իսկ Մարիամն էլ ՝ 35 կետով:
ՀՀ պատվիրակներից հաջող են մեկնարկել նաև Ռուդոլֆ Փաշիկյանը (Մ8),Հայկ Վ. Գրիգորյանը (Մ10) և Մարիետա Խաչատրյանը (Մ12), ովքեր 3 հնարավորից իրենց ակտիվում 2,5-ական միավոր են գրանցել:
2-ական հայազգի շախմատիստներ ներկայացնում են ՌԴ-ն և Բելգիան: ՌԴ-ի 2 պատվիրակներից հաջող է հանդես գալիս Եվա Ստեփանյանը Մ12, ով վաստակել է 2,5 միավոր, իսկ Բելգիայի ներկացուցիչներից հանդես են գալիս այդ երկրի քառակի չեմպիոն, Գյումրիում ծնված միջազգային վարպետ Մհեր Հովհաննիսյանի ղեկավարութայմբ, Մ8 տարեկանների խմբի մասնակից Հովհաննես Էթիբարյանը, ով 2 միավոր ունի:
Շվեյցարական մրցակարգով ընթացող այս ստուգատեսում աշխարհի չեմպիոնները հայտնի կդառնան հոկտեմբերի 30-ին տեղի ունենալիք եզրափակիչ 11-րդ տուրի ավարտից հետո: Մրցաշարում հոկտեմբերի 25-ին հագստյան օր է սահանված:
Այսօր ՝ հոկտմբերի 22-ին, կայանում են 4-րդ տուրի հանդիպումները: Մամիկոն Ղարիբյանը սպիտակներով մրցում է չինացի Յուահո Չայի հետ, իսկ Մարիամ Մկրտչյանի մրցակիցը ռուսաստանցի, ՖԻԴԵ-ի վարպետ Բիբիսարա Ասաուբաևան է: Այս նույն տարիքային խմբում ելույթ ունեցող ռուսաստանցի Եվա Ստեփանյանը սևերով մրցելու է իր հայյրենկցուհու,ՀՀ ներկայացնող Մարիետա Խաչատրյանի հետ:
Արամ Ուգուջյան, Ֆեյսբուք