на Русском
ԲՏԱ նախարարն այցելել է «Հայաստանի հեռուստատես... 
Տեղի է ունենում ՀՀ ԱԺ արտահերթ նիստ․ Ուղիղ
Հնագետները Ստամբուլում 1400 տարվա հնության դեղորայք են հայտնաբերել (տեսանյութ)
ՏեսանյութերՍտամբուլում պեղումներ կատարող հնագետները հայտարարել են, որ հայտնաբերել են հնագույն բժշկությանը պատկանող պատմության մեջ ամենամեծ հավաքածուն: Գտածոների թվում են նաև դեղամիջոցներով լի շշեր, որոնք ենթադրվում է օգտագործել են սրտի հիվանդություններ բուժելու և դեպրեսիայի դեմ պայքարելու համար: Այս մասին հայտնում է Daily Mail-ը:
Մոտ 700 փոքր կերամիկական շշեր են կարողացել հայտնաբերել Ստամբուլի արևմուտքում գտնվող Կյուչկչեկմեջե լճի ափին: Ընդ որում, ըստ հնագետների, սա հնարավոր է եղել անել միայն այն բանից հետո, երբ ջրի մակարդակը լճում նվազել է:
«Գտածոների տարիքը գուցե 1400 տարուց ավելի լինի: Սկզբում մենք մտածում էինք, որ գտել են մոտ 400 շիշ, բայց հետո կտորները միացրինք ու հասկացանք, որ դրանք գրեթե յոթ հարյուրն են: Այլ բժշկական իրեր ևս գտանք` հավանաբար, այստեղ դեղերի արտադրամաս է եղել»,- ասել է պեղումների ղեկավար, դոկտոր Սենգուլ Աիդինգուլը:
Հաղորդվում է, որ շշերի մեծ մասը կներկայացվի տեղի թանգարանների ցուցասրահներում: Միևնույն ժամանակ այլ գիտնականներ վերլուծել են գտածոների մեջ եղած դեղերը և ստացել են մետանոնի և ֆենանտրենի բանաձևերը: Այդ դեղերից մեկը օգտագործվել է որպես անալգետիկ, իսկ մյուսն օգնել է հաղթահարել դեպրեսիան:
