Թուրքիայում տիրող մասսայական ձերբակալությունների ֆոնին բավականին հանգիստ է սևծովյան տարածաշրջանում
Հետաքրքիր զարգացումներ են տեղի ունենում Թուրքիայում այս օրերին: Թուրքիայի հարավ-արևելյան և արևելյան նահանգներում ձերբակալվում են մարդիկ, ովքեր մեղադրվում են «PKK»-ի հետ կապեր ունենալու մեջ: Ձերբակալվածների թվում են քաղաքապետեր, ուսուցիչներ, դասախոսներ, իրավապաշտպաններ, հասարակական և կուսակցական գործիչներ:
Թուրքիայի կենտրոնական Անատոլիայի նահանգներում նույնպես ձերբակալվում են մարդիկ, որոնց մեղադրում են հուլիսի 15-ին ձախողված հեղաշրջման փորձին մասնակցելու կամ աջակցելու մեջ:
Այստեղ ձերբակալվում են դատավորներ, լրագրողներ, մշակույթային գործիչներ, ուսուցիչներ, դասախոսներ, վարչական աշխատողներ: Թուրքիայում տիրող այս մասսայական ձերբակալությունների ֆոնի վրա բավականին հանգիստ վիճակ է սևծովյան տարածաշրջանում: Այն տարածաշրջանում, որտեղից գալիս է Էրդողանի հիմնական ֆինանսական միջոցները, որոնք գոյանում են սև շուկայից՝ նավթից, թրաֆիքինգից, զենքի անօրինական վաճառքից և նարկոբիզնեսից:
Քրդերը մի քանի անգամ փորձ արեցին անցնել Սևծովյան տարածաշրջան, սակայն տրվեց կտրուկ ու բավականին հուժկու պատասխան, կարծես թե Թուրքիայի ներսում Սևծովյան տարածաշրջանը հատուկ պահպանվող տարածք լինի:
Կիլիկիա Հայաստան, Ֆեյսբուք: