Վրացի միլիոնատերերի թոփ 5 դուստրերը (լուսանկարներ)
«Sputnik»-ը ներկայացնում է վրացի միլիոնատերերի 5 ամենահայտնի դուստրերին: Այսպես, Վրաստանի ամենահայտնի, հարուստ և ցանկալի հարսնացուն ներկայումս «Վիսոլ Պետրոլիում Ջորջիա» ընկերության հիմնադիր Լևանա Փխակաձեի դուստրն է` Անի Փխակաձեն: 22-ամյա Անին ոչ միայն շատ գեղեցիկ է, այլև խելացի: Նա մենեջմենթ է սովորել «Glion Institute of Higher Education»-ում, բիզնես և մարքեթինգ` «George town University»-ում, ինչպես նաև սովորել է «Bentley University»-ում և Բարսելոնայի համալսարանում: Այս պահին նա ապրում է Լոնդոնում, բայց հաճախ է գալիս Վրաստան` ծնողների մոտ: Անին շատ ակտիվ է Ինստագրամում:
Եվս մի հարուստ վրացուհի է միլիարդատեր, Վրաստանի նախկին վարչապետ Բիձինա Իվանիշվիլիի 18-ամյա դուստրը` Գվանցա Իվանիշվիլին: Նա չի սիրում ուշադրության կենտրոնում հայտնվել, չի հաճախում շքեղ երեկույթների, չի շփվում լրագրողների հետ, այդ պատճառով էլ նրա մասին տեղեկատվությունը քիչ է: 2012 թ-ին Գվանցան իր ծնողների հետ «Վրացական երազանք» կուսակցության նախընտրական քարոզարշավի ժամանակ շրջում էր Վրաստանի տարբեր շրջաններով: Հենց այդ ժամանակ էլ նա հայտնի դարձավ հանրությանը:
Հայտնի գործարարի հայտնի դուստրը: Վրաստանի ամենահայտնի դիզայներից մեկը` վրացի գործարար և միլիոնատեր Բուբա Քեբուրիայի դուստրը` Ռիա Քեբուրիան հաջորդն է: Ռիան սովորել է Մոսկվայի պետական համալսարանի սոցիոլոգիայի ֆակուլտետում, որից հետո շարունակել է ուսումը Փարիզի Ամերիկյան համալսարանում, ինչպես նաև զուգահեռ սովորել է «International Fashion Academy»-ում` հագուստի դիզայների մասնագիտությամբ:
Ռիայի կոստյումներն ու զգեստներն աչքի են ընկնում վրացական մշակույթի, ազգային տարազի տարրերով: Դրանց արտասովոր, միաժամանակ շքեղ տեսքն անտարբեր չի թողել նույնիսկ Լեդի Գագային:
Մեկ այլ վրացի մեծահարուստի` Գոդերձի Բուկիայի դուստրը` Լակո Բուկիան, ևս ընտրել է դիզայների մասնագիտությունը: Նա իր կրթությունն ստացել է արտասահմանում: Ակտիվորեն մասնակցում է Եվրոպայում և ԱՄՆ-ում տեղի ունեցող նորաձևության շաբաթներին: Նրա արվեստի երկրպագուն է դիզայներ Դոննա Կարանը: Լակոն սովորել է Լոնդոնի նորաձևության քոլեջում, Նյու Յորքի «Parsons» դիզայնի դպրոցում: Նա նաև հասցրել է բացել սեփական բուտիկը Թբիլիսիում:
Վրաստանի բանկերից մեկի տիրոջ, միլիոնատեր Մամուկի Խազարաձեի դուստրը` Աննա Խազարաձեն ևս ընդգրկվել է այս ցուցակում: Նա հայտնի է ոչ միայն որպես հայտնի գործարարի դուստր, այլև որպես ամենագեղեցիկ երիտասարդ վրացուհիներից մեկը: Այս պահին 24-ամյա Աննան սովորում է Լոնդոնում ռեժիսորի մասնագիտությամբ: Նա նաև սիրում է ուշադրության կենտրոնում լինել և այցելել աղմկոտ երեկույթների: