Մերկելը Գերմանիայի թուրքերին պետությանը հավատարիմ լինելու կոչ է արել
Գերմանիայի կանցլեր Անգելա Մերկելը կոչ է արել Գերմանիայում ապրող թուրքական ծագում ունեցող քաղաքացիներին զերծ մնալ Թուրքիայում ներկայումս տեղի ունեցող իրադարձությունների վրա հիմնված վեճերից: Այս մասին հաղորդում է «Euronews»-ը:
«Financial Times»-ին տված հարցազրույցում Գերմանիայի կանցլերը հայտարարել է.«Մենք թուրքական ծագման քաղաքացիներից, ովքեր վաղուց արդեն ապրում են Գերմանիայում, ակնկալում ենք բարձր աստիճանի հավատարմություն մեր երկրի հանդեպ»:
Նման հայտարարության պատճառն այն է, որ Թուրքիայի նախագահ Ռեջեփ Թայիփ Էրդողանը կոչ էր արել թուրքական սփյուռքին հավատարիմ մնալ Անկարային և հնարավորության դեպքում բացահայտել ընդդիմադիր հոգևոր գործիչ Ֆեթուլլահ Գյուլենին, ում Անկարան մեղադրում է պետական հեղաշրջման փորձի մեջ, սակայն մինչ օրս դրա համար ոչ մի հստակ ապացույց չի ներկայացրել: