на Русском
Եթե սիրում ես հայրենիքդ, ապա ցանկացած ոլորտու... 
ՀՀ-ում ԵՄ դիտորդական առաքելությունը հյուրընկա... 
Միհրան Հարությունյանի դեմ անարդար մրցավարության հարցով իրավաբանն առաջարկվում է դիմել Լոզանի արբիտրաժային դատարան (տեսանյութ)
Այսօր՝ օգոստոսի 22-ին, լրագրողների հետ հանդիպման ժամանակ իրավաբան Հայկազ Մակարյանը խոսեց Միհրան Հարությունյանից խլված մեդալի մասին, ինչպես նաև, թե ով և ինչ չարեց, որպեսզի արդարությունը վերականգնվի:
Հայկազ Մակարյանը խոսեց օլիմպիական հնարավոր կոռուպցիոն ռիսկերի մասին և ասաց, որ Միհրան Հարությունյանի հետ կապված այս գործողությունները նա չի կարող կասկածի առարկա դարձնել:
«Բողոքարկման համար մեկամսյա ժամկետ գոյություն ունի՝ Լոզանի արբիտրաժային դատարան դիմելու համար: Առաջին հերթին հավանականությունն այնքանով է, որ մամուլով, ողջ աշխարհով խոսեցին այդ մասին և չմոռանանք նաև ամերիկյան լոբբիի՝ հայկական այդ հզոր կառույցի մասին՝ բարձրաձայն աղմկահարույց խոսքերը, որոնք հնչեցվեցին թե՛ Լոզանի, թե՛ Թոմաս Բախի հասցեին, որ չի կարելի այսպիսի բան թույլ տալ և վերջիվերջո չմոռանանք մեր ՀԱՕԿ-ի նախագահի և Թումաս Բախի շատ լավ հարաբերությունների մասին: Նրանք ասում են, որ ժամանակն է, որ արդեն ՀՀ-ի մարզիկներն իրենց ուրույն տեղը գտնեն: Եթե իրենց ուրույն տեղը պետք է գտնեն՝ այդպես խարդախությունների և խաբեությունների միջոցով, ապա, սա հենց Օլիմպիական կոմիտեի ներքին կանոնադրության կոպիտ խախտումն է: Մասնավորապես, այնտեղ ասվում է, որ եթե օլիմպիական խաղերի ժամանակ խախտվում է իրավական դիտակետից անձի ոչ հավասար մրցապայքարի իրավունքը, ապա պետք է որակազրկել ընդանրապես այդ դատավորին և սկսել հետաքննություն, նախաքննություն»,-ասաց իրավաբան Հայկազ Մակարյանը:
Նրա պնդմամբ՝ Հայաստանի իշխանությունների և մարզային կողմի դիրքորոշումները շատ թույլ են և շատ պասիվ: Այսինքն՝ պետք է գործընթաց սկսվեր հենց այնտեղ՝ Օլիմպիական կոմիտեի պատկան մարմինների կողմից, նախաքննություն, բայց, փոխարենը, ասացին. «Լավ դե հիմա, արծաթն էլ էլի մեծ բան ա՝ էսքան տարվանից հետո»: «Այսպիսի հայտարարությունը անպատասխանատու և կամազուրկ արտահայտությունն է մեր գործող իշխանությունների և հատկապես Օլիմպիական կոմիտեի այս կամ այն ներկայացուցիչների կողմից»,-ասաց իրավաբանը:
Նա անդրադարձավ նաև այն փաստին, թե ինչպիսի սոսկալի պայմաններում և որտեղ են մարզվում մեր մարզիկները:
Մանրամասները՝ տեսանյութում:
