Ոսկե մեդալը խլել են ոչ միայն Միհրան Հարությունյանից, այլ՝ հենց պետությունից և ՀԱՕԿ-ը պարտավոր է բողոքարկել. Ստեփան Սաֆարյան (տեսանյութ)

Այսօր՝ օգոստոսի 22-ին, լրագրողների հետ հանդիպման ժամանակ Միջազգային և անվտանգության հարցերի հայկական ինստիտուտի նախագահ Ստեփան Սաֆարյանը խոսեց Միհրան Հարությունյանից խլված մեդալի մասին, ինչպես նաև, թե ով և ինչ չարեց, որպեսզի արդարությունը վերականգնվի: 

Ստեփան Սաֆարյանը որպես քաղաքացի իր կարծիքը հայտնեց և նշեց, որ նման փոքր երկրի համար, ինչպիսին Հայաստանն է, սա վատ արդյունք չէ, երբ երկիրն ունենում է նման հաջողություն՝ օլիմպիական խաղերից ոսկե մեդալ:

«Ես կարծում եմ, որ հատկապես Օլիմպիադայի ընթացքում դիտված այդ անարդարությունը ցույց է տալիս, որ մենք կարող էինք ունենալ առնվազն 2 ոսկե մեդալ: Ես, իհարկե, պետք է կրկնեմ ավելի շատ սպորտային մեկնաբանների տեսակետներն այն կապակցությամբ, որ, հավանաբար, նաև մենք խնդիր ունեինք մյուս մարզիկների հետ՝ կապված ճիշտ քաղաքականություն որդեգրելու հետ, որովհետև նույն ծանրամարտի հետ կապված հնչեցին բազմաթիվ քննադատություններ: Ես կարծում եմ, որ, իհարկե, մենք կարող էինք ավելին ունենալ. և եթե մի կողմ թողնեմ այն խնդիրները, որոնց մասին խոսում են մարզական մեկնաբանները, ապա, այնուամենայնիվ, ակնհայտ էր, որ մենք բաց թողեցինք Միհրան Հարությունյանի ոսկե մեդալը կամ այն բավականին հեռացրինք՝ թե՛ մարզիկից, թե՛ մեզնից, որովհետև տեսանելիորեն, մեր օլիմպիական պատվիրակությունը որևէ լուրջ քայլ չձեռնարկեց բողոքարկելու արդյունքները: Սա արդեն խնդիր էր, հատկապես, երբ մեր մարզիկը գտնվում էր հոգեբանական ծանր վիճակում, ինչն անգամ անթաքույց էր նրա հարցազրույցներում, և տվյալ պարագայում, եկեք հասկանանք, որ ոսկե մեդալը կողոպտվել է ոչ միայն Միհրան Հարությունյանից, այլ՝ հենց պետությունից»,-ասաց  Ստեփան Սաֆարյանը և հավելեց,- «Այս կտրվացքով, իհարկե, հասարակությունը փորձեց ինչ-որ բան ձեռնակել: Հավանաբար, շատերն են տեղյակ համցանցային բողոք-նամակի, ստորագրահավաքի մասին, որտեղ ժամեր առաջվա դրությամբ արդեն հավաքվել է շուրջ 36 000 ստորագրություն, ինչը պատկառելի թիվ է և խոսում է նրա մասին, որ անարդարության գհնահատականը կիսում են շատ ու շատ մարդիկ և ՀԱՕԿ-ը պարտավոր է ուղղակի բողոքարկել Միհրան Հարությունյանի հետ կապված մրցամարտի արդյունքները»

Նրա պնդմամբ՝ այս քայլը դեռևս քիչ է, քանի որ պետությունը պետք է պաշտոնապես բողոքարկի արդյունքները:

Ստեփան Սաֆարյանը շեշտեց, որ անհասկանալի է նաև այն, թե ինչու չէ բողոքարկվել մեկ այլ փաստ կապված մարտի դադարեցման հետ, երբ Միհրան Հարությունյանի մարզիչը պնդում էր, որ անմիջապես մարտի ընթացքում թե՛ իրենց, թե՛ նաև Միհրանի կողմից փորձ է եղել դադարեցնելու մարտը, բայց մրցավարն ակնհայտորեն կողմնակալ վերաբերմունք ուներ: Ի սկզբանե կարծես կանխորոշված էր, թե ինչ մրացավարություն նա պետք է իրականացնի, սակայն, դա տեղի չի ունեցել:

Քաղաքագետն անդրադարձավ նաև Միխայիլ Մամիաշվիլու պահվածքին, կապված այն բանի հետ, որ նա հայտարարել էր, որ իբրև, քանի նա կա՝ Միհրանը հաղթանակներ չի ունենալու: Նրա խոսքով՝  այս փաստը ևս հայկական կողմը պետք է հաշվի առներ:

Առավել մանրամասն՝ տեսանյութում: