ՀՀԿ-ում շուտով կլինեն լրջագույն զտումներ

Այն, ինչ այսօր կատարվում է Հայաստանում` նախապես պլանավորված սցենար է, որին համամասնակից են և՛ իշխանությունը, և՛ ընդդիմությունը և՛ քաղաքացիական հասարակությունը: Երբ նայում ես կողքին դերակատարների` համոզվում ես դրա մեջ: Նպատակը` ներքին խնդիրների քովի տակ արտաքին դիվիդենտներ ստանալն է։

Ղարաբաղյան հարցում իշխանական թևը ցանկանում է հանդես գալ կոշտ դիրքրոշմամբ և ներկայացնում է թե «անելանելի» վիճակում է (ինչպես անցած տարի), դրա համար ոստիկանության միջոցով փորձում է կամ մեծացնել կամ նվազեցնել հասարակության մեջ առկա դժգոհությունը, բորբոքել այն կամ մեղմացնել: Սակայն նույն իշխանական թևում առկա է լուրջ մրցակցություն և պայքար, որը պայմանավորված է գալիք խորհրդարանական ընտրություններով:

Ակնհայտ է, որ ՀՀԿ-ում շուտով կլինեն լրջագույն զտումներ, քանի որ այդ կուսակցությունը պետք է ավելի քիչ քանակով ներկայանա Աժ-ում (ըստ նոր սահմանադրության)։ Եվ այստեղ օլիգարխիք տարրերը փորձում են իբր ծառայեցվելով կենտրոնին` կամ իրենից կորզել գալիք խորհրդարանական տեղ կամ ցուցադրել կենտրոնի թշվարությունը։ Դրա վառ ապացույցը` Սարի թաղի բնակիչների հետ կապված երկու դեպքերը։ Մի գուցե հաջորդը լինի Ավանը, Մալաթիան, Էջմիածինը:

Իշխանության ներսում հասունացել է մի պահ, երբ կարիք կա լրջագույն զտումների` փնտրվում է զուտ առիթ: Եվ բոլորը դա շատ լավ գիտեն, բայց այնպես են խաղում , որ դիմացինը չունենա ոչ մի առավելություններ:

Ինչ վերաբերվում է ընդդիմության, ապա այստեղ պարզ ու հստակ նշմարվում է Նիկոլի կերպարը որպես նոր առաջնորդ, թեև` ուղորդվող: Թեև մենք այլևս նախագահական հանրապետություն չենք բայց հենց իշխանություններին պետք է այդպիսի «այլընտրանքային» կերպար:

Այլընտրանք փորձում է դառնալ «Ժառանգություն»-ը, ապարդյուն Վաշինգտոնից ակնկալելով երբեմնի աջակցությունը` իր շանսը կորցրած է: ԲՀԿ, ՕԵԿ արդեն չեն համարվում ընդդիմություն, ուստի ստիպված են լոբբինք տանել ՀՀԿ-ի  երկու թևերի միջև։

Քաղաքացիական հասարկություն կոչեցյալների շրջանակներում այսօր կատարվում է մի քանի ուժերի պատվեր` և իշխանական, և իրենց սպասարկող դեսպանատների։ Քիչ չեն հեղափոխական ռոմանտիկները, որոնք հավատում են, որ կարող են փոխել երկիրը, սակայն չունեն իրականում որևէ ծրագիր` ուստի ծառայեցվուն են մասսաներին դուրս բերող ուժերի։

Քաղաքացիական հասարակության ակտիվի մի մասն ուղղորդվում է հենց իշխանական կենտրոնից և պատահական չէ, որ պետական որոշ կարևոր պաշտոններին վերջերս անկուսակցական, ժամանակին ակտիվիստ եղած մարդկանց են նշանակում, իբր որպես կոմպրոմիս քաղաքացիական հասարակությանը: Դրանով, թերևս, իշխանության կենտրոնում գտնվող ուժերը փորձում են ապակուսականացնել իշխանական երեք թևերը, վերականգնել ՀՀԿ-ի խարխլված իմիջը, մանավանդ` խորհրդարանական ընտրությունների նախօրյակին:

Իսկ այն, որ երևանյան այս դեպքերը ծրագրավորված էին դեռ շուտվանից` վկայում է հենց ՖԲ-ն` բազմաթիվ խմբերով և ֆեյքերով։ Դրանք և հատուկ ծառայությունների և դրսից ֆինանսավորվող կառույցների կեղծ էջերն են, ևցավալի է, որ իրենց միջև այդ ճակատամարտում տուժում են ռեալ օգտատերերը։ Երկուստեք կատարվել է ահռելի աշխատանք, որը թերևս կարող է վտանգել Հայաստանի իմիջին (թեև այդպես էլ արվում է)։

Իսկ նման պայմաններում շուտով ցանկացած իրական քաղաքացու, այլ ոչ թե ֆեյքի խոսքը կդառնա անլսելի: (Արդեն իսկ համացանցը դարձավ վերահսկելի` պետք է ինչ որ թեմա` այն հայտնվում է և տարբեր խողղովակներով ծամծմվում):

Փաստացի, լավագույն առիթն եղավ թուրքական անհաջող հեղաշրջումը, պատճառ` ներքին զտումը (չեմ ասում հեղաշրջում քանի որ իշխանության մոտ կմնան նույն ուժերը, բայց արդեն թարմացված): Վտանգավոին այն է որ ոստիկանություն-հասարակություն բաշումն անցել է թույլատրելի սահմանը։ Հետագայոմ շատ դժվաի կլինի վերականգնել իրաբապահ մարմինների հանդեպ վստահությունը։ Քաղաքում արդեն իսկ աճել է հանցագործությունեիի թիվը, իսկ դա ձեռնատու է, թե՛ հենց ոստիկանությանը, որ հայտարարվի, թե՛ իրավապհների ուժերն ընդդիմությունից անվտանգության ապահովման վրա են կենտրոնացված, և որոշ ընդդիմադիր ուժերի, որ ասեն, թե գործող իշխանությունները չեն վերահսկում իրավիճակը:

Այնուհանդերձ, իրավիճակը կհանգուցալուծվի օգոստոսի 8-ի կողմերը։ Առվելագույնը` 15-ին: Կլինեն թեթևակի պաշտոնանկություններ։ Միտինգները կդադարեն օգոստոսի կեսերին:

Բագրատ Մովսիսյան. ֆեյսբուք: