2016 թվականի առաջին կիսամյակին մարդկանց մուտքերը և ելքերը՝ սահմանային անցակետերում. ԱՎԾ-ն տվյալներ է ներկայացրել (տեսանյութ)
Այսօր` հուլիսի 29-ին, լրագրողների հետ հանդիպման ժամանակ Հայաստանի Ազգային վիճակագրական ծառայության (ԱՎԾ) մարդահամարի և ժողովրդագրության բաժնի պետ Կարինե Կույումջյանը ներկայացրեց 2016 թվականի առաջին կիսամյակի ժողովրդագրական ցուցանիշների ամփոփումը և բնական շարժի ցուցանիշների (ծնելիություն, մահացություն և ամուսնություն, ամուսնալուծություն) հարաբերակցությունը:
Կարինե Կույումջյանն անդրադարձավ նաև սահմանային անցակետերով իրականացված մուտքերի և ելքերի գրանցումների տվյալներին: «2016 թվականի հունվար-հունիսին մեր երկիր սահմանային բոլոր կետերից 1086466 անձի մուտք է եղել կամ սահմանային գրանցում, քանի որ նույն մարդն այստեղ կարող է մի քանի անգամ ներգրավված լինել: Ելքերի գրանցումները կազմել են 1153095: Հաշվեկշիռը՝ մուտքերի և ելքերի կազմել է -66629, որը նախորդ տարվա նույն ժամանակաշրջանի համեմատ՝ նվազել է, որովհետև նախորդ տարի այդ ցուցանիշը եղել է 75464 և այդ նվազումը գրեթե 11,7% է կազմել: Նույնը կարող ենք ասել ՀՀ փաստաթղթերով մուտք ու ելք իրականացրած անձանց մասով. մուտք են կատարել 586486 դեպքում և ելքը՝ 678390 գրանցումներով: Այստեղ հաշվեկշիռը կազմել է -91904, այն դեպքում, երբ նախորդ տարվա հաշվեկշիռ բացասական նույն ցուցանիշը եղել է 103994: Այստեղ ևս արձանագրվել է նվազման տենդենց»,- տեղեկացրեց Հայաստանի Ազգային վիճակագրական ծռայության (ԱՎԾ) մարդահամարի և ժողովրդագրության բաժնի պետ Կարինե Կույումջյանը:
Մանրամասները՝ տեսանյութում: