ՄԻԵԴ վճռի համաձայն՝ ՀՀ կառավարությունը 50 000 եվրո կտրամադրի դիմումատուներին

Այսօր կայացած ՀՀ կառավարության նիստի ժամանակ ՀՀ արդարադատության նախարար Արփինե Հովհաննիսյանը ներկայացրել է Մարդու իրավունքների եվրոպական դատարանի «Զալյանը և այլոք ընդդեմ Հայաստանի» գործով 2016 թվականի մարտի 17-ի վճռի պահանջները, որի համաձայն՝ ՀՀ կառավարությունը պահուստային ֆոնդի հաշվին 50 000 եվրոյին համարժեք ՀՀ դրամ կհատկացնի ՀՀ արդարադատության նախարարությանը:

Հատկացվող գումարի 20,000 եվրոյին համարժեք դրամը կհատկացվի դիմումատու Արայիկ Զալյանին, 15,000 եվրոյին համարժեք դրամը՝ դիմումատու Ռազմիկ Սարգսյանին, իսկ15,000 եվրոյին համարժեք դրամը՝ Մուսա Սերոբյանին:

Նշված գործով Մարդու իրավունքների եվրոպական դատարանի վճռով սահմանված հատուցման գումարի վճարման վերջնաժամկետը 2016 թվականի սեպտեմբերի 17-ն է