Բասկետբոլի Հայաստանի հավաքականը հաղթեց Բուլղարիային
Հունաստանում ընթացող բասկետբոլի մինչև 20 տարեկանների Եվրոպայի առաջնության B դիվիզիոնում Հայաստանի հավաքականն ավարտեց ելույթները:
Վերջին խաղում հայկական ընտրանին 65:61 հաշվով հաղթեց Բուլղարիայի ընտրանուն: Մեր թիմի և ամբողջ հանդիպման ամենաարդյունավետ խաղացողը Սթիվեն Էնոչն էր, ով վաստակեց 23 միավոր և տիրեց 16 անդրադարձի:
Այսպիսով, Հայաստանի հավաքականը մրցաշարում անցկացնելով 6 խաղ և տոնելով 3 հաղթանակ գրավեց 17-րդ հորիզոնականը: