«Մարգարյան հիվանդանոց»-ում ինչն է իրականում եղել պտղի մահվան պատճառը. տնօրենը բացատրություն է ներկայացրել

«Ժողովուրդ» օրաթերթը գրում է. ՀՀ առողջապահության նախարարությունը բացատրություն է պահանջել «Մոր և մանկան առողջության պահպանման գիտահետազոտական կենտրոնի» տնօրեն Գեորգի Օկոևից: Նշված բժշկական կենտրոնն առավել հայտնի է որպես «Մարգարյան հիվանդանոց»:

Պարզաբանում են պահանջել հունիսի 29-ին հիվանդանոցում մահացած պտղի դեպքի հետ կապված: Մեր տեղեկություններով՝ երեկ Օկոևը պաշտոնական բացատրություն է ներկայացրել նախարարությանը` մասնավորապես նշելով, որ 28 տարեկան հղի կինը հղիության 33-րդ շաբաթում` հունիսի 25-ին, ընդունվել է հիվանդանոց՝ բարձր ռիսկի հղիների բաժանմունք, և ախտորոշումն էլ եղել է վաղաժամ ծննդաբերության սպառնալիքը:

Նա ստացել է համապատասխան բուժում: Հսկողության ընթացքում պտղի վիճակի կողմից որևէ շեղում չի հայտնաբերվել: Հունիսի 29-ի գիշերը անցկացրել է հանգիստ, իսկ լուսադեմին՝ ժամը 07:00-ին, գանգատվել է որովայնի շրջանում սուր ցավերից: Նրան զննել են, եւ պտղի սրտի զարկերը չեն լսվել: Գերձայնային հետազոտությամբ ախտորոշվել է պտղի մահ»: Ավելի մանրամասն՝ «Ժողովուրդ» թերթի այսօրվա համարում: