Իլհամ Ալիևը Արցախին «կարգավիճակ» է խոստանում
Ռուսաստանի ԱԳՆ-ի մամլո խոսնակ Մարիա Զախարովայի կողմից Նովրուզ Մամեդովին «հոգնա» անելուց հետո Ադրբեջանի սուլթան Իլհամ Ալիևը ինքն է որոշել պատասխանել ՌԴ-ին, Մինսկի խմբի համանախագահներին և Հայաստանին:
«ԱզերԹաջ»-ի տեղեկություններով, երեկ ելույթ ունենալով Բաքվի Խաթայի շրջանում մի խումբ զինվորականների դիմաց Իլհամ Ալիևը խոսել է Արցախին կարգավիճակ տալու մասին և մեկնաբանել Հելսինկյան եզրափակիչ ակտը:
«Լեռնային Ղարաբաղին կարգավիճակ տալը ապագայի հարց է: Իհարկե, որոշակի կարգավիճակ կարող է լինել: Ադրբեջանի կազմում կա Նախիջևանի ինքնավար հանրապետությունը: Այն ունի ինքնավարության կարգավիճակ»,-հայտարարել է Ալիևը:
Անդրադառնալով Հելսինկյան եզրափակիչ ակտին, որին միշտ հղում են անում ԵԱՀԿ Մինսկի խմբի համանախագահները, Ալիևն ասել է.«Թող հայկական կողմն ուշադիր կարդա Հելսինկյան եզրափակիչ ակտը: Այնտեղ հստակ նշված են սկզբունքները, որոնցից գերիշխողը տարածքային ամբողջականության սկզբունքն է: Չնայած այնտեղ կա նաև ինքնորոշման սկզբունքը, բայց հայերն արդեն ինքնորոշվել են և ունեն հայկական պետություն, չնայած նրան, որ այս պետությունը ստեղծվել է պատմական ադրբեջանական հողերի վրա: Երկրորդը, ինքնորոշման սկզբունքը չպետք է խախտի երկրների տարածքային ամբողջականությունը»:
Ադրբեջանի նախագահի այս անհողաբաշխ զառանցանքը ցույց է տալիս, որ Բաքվի գործերը բավական բարդ են: Ծիծաղելի է, որ Իլհամ Ալիևը փորձում է մեկնաբանել մի փաստաթուղթ, որը շատ վաղուց մեկնաբանված է, և բոլորը գիտեն, որ Հելսինկյան եզրափակիչ ակտի մեջ նշված սկզբունքները հավասար են և որևէ մեկը առաջնային չէ:
Ալիևը մոռանում է, որ 1975 թ-ից հետո շատ երկրներ անկախացել են Հելսինկյան եզրափակիչ ակտի ինքնորոշման սկզբունքի հիման վրա:
Ալիևն իրեն արբիտրի դեր տալով որոշում է, թե հայերը քանի պետություն պետք է ունենան, մոռանալով, որ նույն թուրքերը ունեն երեք պետություններ՝ Թուրքիան, Ադրբեջանը և Հյուսիսային Կիպրոսը, արաբները ունեն երկու տասնյակին հասնող երկրներ, իսկ ալբանացիները երկու երկիր՝ Ալբանիան և Կոսովոն: Թրքացված քուրդ Իլհամի կարծիքով այն, ինչ կարելի է մահմեդականներին, այսինքն մի ազգին մի քանի պետություն ունենալը, չի կարելի քրիստոնյաներին:
Չեմ էլ մեկնաբանի Ալթայից և Միջին Ասիայից 11-12 դդ-ում այստեղ հայտնվածի սերունդի ներկայացուցչի այն բարբաջանքը, թե հայերը իրենց պետությունը ստեղծել են ադրբեջանցիների (մի ժողովուրդ, որը թուրքերից «անկախացել» է 98 տարի առաջ) պատմական տարածքների վրա:
Իլհամ Ալիևը շատ լավ գիտի, որ Արցախը թքած ունի ապագայում իրեն առաջարկվող կարգավիճակի վրա, քանի որ Արցախն արդեն 22 տարի էլ անկախ է: Իսկ այն քաղաքական գործիչը կամ վարչակարգը, որը կփորձի ժողովրդի թիկունքում պայմանավորվել թշնամու հետ՝ գահընկեց կարվի և կպիտակավորվի որպես դավաճան:
Գագիկ Համբարյան, Ֆեյսբուք: