Կարիքը կա ավելի արդար հասարակության. Հռոմի Պապի աղոթքը՝ Գյումրիում

Անաստվածության երկար տարիների կործանումից հետո, երկրաշարժի սարսափելի նյութական ավերածություններից հետո այսօր գտնվում ենք այստեղ Աստծո շնորհակալություն հայտնելու. Աստծուց ստացված սիրո միջոցով է, որ եկեղեցու դեմքը երիտասարդանում և հմայիչ է դառնում: Այս մասին, այսօր՝ հունիսի 25-ին, Գյումրիի Վարդանանց հրապարակում Սուրբ Պատարագի ժամանակ իր աղոթքում նշել է Հռոմի Ֆրանցիսկոս Պապը:

Նա, մասնավորապես, նշել է. «Կոչված ենք միշտ կառուցելու եւ վերակառուցելու հաղորդությունը առանց հոգնելու կամուրջներ կառուցելու, ոչ թե պարիսպներ կամ բաժանարար պատնեշներ: Հայ ժողովուրդը թող միշտ ավելի միասնական լինի հավատի և սիրո մեջ՝ փոխադարձ հարգանքով եւ երկխոսությամբ, իմանալով որ միակ մրցույթը, որ հնարավոր Տիրոջ աշակերտների միջև՝ ստուգելն է, թե ով կարող է ավելի մեծ սեր նվիրել:

Օգտակար է ամեն օր նորոգել այս հանդիպումը Աստծո խոսքի ընթերցումով և աղոթքով: Երբ Հիսուս կանչի հետևելու իրեն, մի տատանվեք քաջությամբ այո ասելու նրան: Նա մեզ ճանաչում է, սիրում է և ուզում է ազատել սիրտը վախի և հպարտության ծանրությունից:

Սիրո հիմքի վրա է հաստատված Հիսուսի աշակերտի կյանքը, և սիրո միջոցով է, որ եկեղեցու դեմքը երիտասարդանում և հմայիչ է դառնում: Գթառատ սերը քրիստոնյայի անցեքարտն է: Նա ասում է՝ սրանից բոլորն իմանում են, որ իմ աշակերտներս եք, եթե սիրեք իրար:

Եսայի մարգարեն ասում է՝ Աստված բնակվում է սիրողի մեջ, որտեղ սիրում են իրար, որտեղ աղքատներին ու տկարներին են խնամում: Շատ կարիք ունենք քրիստոնյաների, որ հոգնությունից չխորտակվեն, չհուսալքվեն փոխադարձ անհասկացություններից, այլ բացվեն Աստծո սիրո ծրագրերից:

Բարի մարդկանց կարիքը կա, որ գործնականում օգնեն մարդկանց, կարիքը կա ավելի արդար հասարակության, որտեղ յուրաքանչյուրը կարողանա արժանավայել կյանք վարել և արդարորեն հատուցվող աշխատանք ունենա:

Անցած տարվա ծիսակատարումով, որին մասնակցեց Ամենայն հայոց կաթողիկոս Գարեգին Բ-ն, ուզեցի բոլորի ուշադրությանը հանձնել Գրիգոր Նարեկացու կերպարը: Նա կարապետն ու մարագարեն էր աստվածային ողորմության, հայտարարելով, որ երբեք բարկության խավարից չի մթանգնել նրա ողորմության լույսը: Նարեկացին ոչ միայն ուսուցման, այլև կյանքի վարդապետ է, որովհետեւ սովորեցնում է, թե որքան կարեւոր է ճանաչել ինքներս մեզ, եւ վերքերի ու թշվառների առջեւ բացվել մարդկանց նկատմամբ բարությամբ լցված: Խնդրում եմ Սուրբ Գրիգորի խոսքերով աստվածային ողորմությունը և սիրելուց չհոգնելու պարգեւը:

Սուրբ հոգի, քեզ ենք ուղղում մեր աղաչանքները՝ պարևիր մեզ սիրո և բարի գործերի քաջալերման շնորհը, հոգի գթության, մարդասիրության և ողորմության: Ողորմյա մեզ Տեր աստված մեր ըստ մեծի ոողորմության քո, Ամեն»: