Հռոմի պապն արդեն նախագահական նստավայրում է (լուսանկարներ)

Այսօր՝ հունիսի 24-ին Հայաստանի համար պատմական կարևոր օր է: Հայաստանի Հանրապետության Նախագահ Սերժ Սարգսյանի, Ծայրագույն Պատրիարք և Ամենայն Հայոց Կաթողիկոս Ն.Ս.Օ.Տ.Տ. Գարեգին Բ-ի և Կաթոլիկ եկեղեցու հրավերով Հայաստան է ժամանել Հռոմի Պապ Նորին Սրբություն Ֆրանցիսկոսը:

Հռոմի պապը րոպեներ առաջ ժամանեց ՀՀ նախագահական նստավայր: 

Հիշեցնենք, որ Երևանի «Զվարթնոց» միջազգային օդանավակայանում տեղի է ունեցել Հռոմի Պապի դիմավորման պաշտոնական արարողությունը: Սրբազան Քահանայապետին դիմավորել են Նախագահ Սերժ Սարգսյանը տիկնոջ հետ և Նորին Սուրբ Օծություն Տեր Գարեգին Երկրորդ Ամենայն Հայոց Կաթողիկոսը: Դիմավորման պաշտոնական պատվիրակությունների կազմում եղել են պետական պաշտոնյաներ, դիվանագետներ, Հայ Առաքելական և Կաթոլիկ Եկեղեցիների եպիսկոպոսներ:

Մայր Աթոռ Սուրբ Էջմիածնում տեղի է ունեցել  Բարիգալստյան` «Հրաշափառի» արարողությունը, որի ժամանակ ելույթբերով հանդես են եկել Գարեգին Բ-ն և Հռոմի պապը: 

Նշենք նաև, որ Հռոմի Սրբազան Քահանայապետ Ֆրանցիսկոս Պապի Հայաստանի Հանրապետություն այցի կարգախոսն է՝ «Այց առաջին քրիստոնյա երկիր»: Այցի պաշտոնական տարբերանշանի մեջ օգտագործված են բիբլիական Արարատը և Հայաստանում քրիստոնեության տարածման առումով բացառիկ նշանակություն ունեցող սրբավայրը` Խոր Վիրապի վանքը:

Ուղիղ միացմանը կարող եք հետևել այստեղ: