Փարիզում փախստականների համար պաշտոնական ճամբար կստեղծվի

Փարիզի իշխանությունները նախատեսում են քաղաքում ստեղծել փախստականների համար առաջին պաշտոնական ճամբարը: Այս մասին մայիսի 31-ին հայտարարել է Փարիզի քաղաքապետ Անն Իդալգոն: Ըստ նրա, այժմ ավելի հեշտ և արագ կլինի փախստականների ճամբարի համար հարմար վայր գտնելը: Նա հավելել է, որ ըստ նախատեսվող ծրագրի, ճամբարում կգտնվեն բնակելի շինություններ, հիվանդների և ծերերի խնամքի կետեր, այնտեղ կաշխատեն սոցիալական խորհրդատուներ և թարգմանիչներ: Այս մասին հաղորդում է «Deutsche Welle»-ն:

Փարիզում չկան փախտականների ճամբարներ: Նրանցից շատերը քնում են վրաններում և գորգերի վրա հենց փողոցներում: Այժմ մոտ 700 միգրանտ է ապրում քաղաքի հյուսիսային մասի այգում: Բացի այդ արդեն երրորդ անգամն է ցրվում Փարիզի երկաթուղու մոտ գոյացած փախստականների ճամբարը, որտեղ ապրել է 1600 մարդ:

Ըստ իշխանությունների, Փրանսիայի մայրաքաղաքում հիմնադրվող նոր ճամբարը կունենա 8000 փախստական ընդունելու հնարավորություն: