Վարչակազմը չի կարող իրականում պայքարել կոռուպցիայի դեմ, որովհետև դրանից է սնվում
Էն գլխից պարզ է, որ վարչակազմը չի կարող իրականում պայքարել կոռուպցիայի դեմ, որովհետև դա այն առաջին աղբյուրն է, որից սնվում է ինքը: Վարչակազմը չի կարող ամբողջությամբ վերացնել մոնոպոլիաները, որովհետև դա իրեն սնող երկրորդ աղբյուրն է:
Բայց վարչակազմը պետք է ինչ-որ բաներ անի, որպեսզի դիմագրավի արտաքին վտանգին, որ բացահայտվեց ապրիլյան օրերին, և խնդիր չունենա այն զինվորի հետ, որը սահմանում պահպանում է թե՛ իր ընտանքիը և թե՛ հենց վարչակազմը:
Նաև 20 տարվա փորձը ցույց տվեց, որ վարչակազմի դեմ պայքարում հանրությունը պարտվում է մշտապես, եթե գնում է լուրջ բախման: Այդ դեպքում միակ փոքրիշատե հասանելին նրանից ինչ-որ բաներ պլոկելն է՝ դանդաղորեն և համառորեն՝ վերաբերվի դա կոռուպցիային, թե մոնոպոլիաներին:
Եթե որևէ մեկը ցանկանում է ավելին, ապա նա պետք է վերացնի ողջ քրեաօլիգարխիկ համակարգը, բայց ես չեմ կարծում, թե այդպիսի մեկը կա այսօր մեր երկրում:
Վախթանգ Սիրադեղյան, Ֆեյսբուք: