Գերմանիայում աճել է փախստականների դեմ հարձակումների թիվը

Գերմանիայի իշխանությունները հայտնել են այն մասին, որ իրենց երկրում փախստականների դեմ հանցագործությունների թիվն աճում է: Այս մասին հայտնում է «Комсомольская правда»-ն՝ հղում տալով Գերմանիայի ՆԳՆ Թոմաս դե Մեզյերին: Նա վճռականորեն քննադատել է այս երևույթը:

«2016 թվականի առաջին ամիսներին իրավիճակը վատթարացել է: Հունվարին գրանցվել է 449 հարձակում փախստականների ընդունարանների վրա: Դրանցից 82-ը բռնության կիրառմամբ են եղել: Սա ճգնաժամ է»,- հայտնել է Գերմանիայի ՆԳՆ-ն:

Եվրոպայում ուղղակի աղետալի իրավիճակ է՝ փախստականների հետ կապ կապված: Օրական Մերձավոր Արևելքի և Աֆրիկայի մի քանի հազար բնակիչներ բոլոր ճիշտ ու սխալ ձևերով ներխուժում են այնտեղ՝ փորձելով փրկվել պատերազմից:

Գերմանիայում հայտնել են, որ պատրաստ են 800 000 փախստականի օգնել, սակայն այդ երկիր գնում են շատ ավելի շատ փախստականներ: