«Բանակն իրականում»-ը ապրիլյան մարտերի ժամանակ բացահայտեց իր էությունը
Հիշո՞ւմ եք, մի կազմակերպություն կար «Բանակն իրականում», որ հայտարարում էր, թե պայքարում է բանակում զինվորների իրավունքների ոտնահարման, նրանց կյանքին և առողջությանը սպառնալիքների դեմ։
Իրականում իր ամեն քարոզչական գործողություն, ըստ էության, հասարակությանը բանակով վախեցնելուն էր ուղղված, բայց հենց մի բան ասում էիր, միշտ հակադարձում էին, թե իբր իրենց համար առաջնայինը զինվորի կյանքն է, ու գրողի ծոցը կորչի մնացած ամեն ինչը:
Սակայն, ինչպես հստակ երևաց վերջին ամսվա ընթացքում, Հայաստանի քաղաքացիների կյանքն ու իրավունքներն իրենց ընդհանրապես չի հետաքրքրում, երբ խոսքը վերաբերում է ադրբեջանցիների հետ ապրիլյան մարտերում զոհված զինվորների մարմինները պղծելուն, գլխատումներին, Թալիշում քաղաքացիականներին դաժանորեն սպանելուն, հայկական բնակավայրերի հրետակոծումներին, որոնք նաև քաղաքացիականների կյանքեր են խլում։ Չի հետաքրքրում, զոռով հո չի՞։
Թեթևի մեջ, ձեռքի հետ, ինչ-որ լինկեր են գցում այդ թեմայով իրենց խմբում, ոչ ավելին։ Իսկ, օրինակ՝ Խաչատուրովի մասին ֆեյք նորությունն ահագին աշխուժություն է առաջացնում իրենց մոտ։
Որ հարցնեք ինձ. «Բա հետո՞», կասեմ` «Հեչ»։ Ուղղակի ֆիքսում եմ` չմոռանանք, երբ մի գեղեցիկ օր նորից մտահոգների դիմակը հագնեն։
Կարեն Վրթանեսյան, Ֆեյսբուք: