11-ամյա Արման Սիմոնյանն Անգլիայում ներկայացրել է Հայաստանն ու զբաղեցրել 1-ին պատվավոր հորիզոնականը (լուսանկարներ և տեսանյութ)
Փետրվարի 27-ին Լոնդոնում կայացած երգի միջազգային մրցույթում Հայաստանը ներկայացրել է 11-ամյա Արման Սիմոնյանը և զբաղեցրել պատվավոր առաջին հորիզոնականը: Մրցույթի մանրամասների և Անգլիա կատարած այցելության մասին Operativ.am-ի թղթակիցը զրուցել է փոքրիկ երգչի հետ:
-Արման, ինչ մրցույթ էր, որտեղի՞ց եք իմացել մրցույթի մասին, կմանրամասնե՞ք մի փոքր:
-Փետրվարի 27-ին Լոնդոնում կայացավ «Stars of Albion» միջազգային մրցույթը, որի շրջանակներում Հայաստանից միակ ներկայացուցիչը ես էի: Մրցույթին մասնակցելու առաջարկը ստացել եմ Կատարողական արվեստի ասոցիացիայի կողմից, ի դեմ՝ Արման Ղուկասյանի:
Քանի՞պետություն էր մասնակցում մրցույթին:
-Մրցույթին 5 երկիր էր մասնակցում. Հայաստան, Անգլիա, Վրաստան, Ռուսաստան, Ֆրանսիա: Ընդհանուր թվով՝ 48 մասնակից է եղել:
-Քանի՞ հոգուց էր կազմված ժյուրիի կազմը, խի՞ստ էին դատում:
-ժյուրիի կազմում 12 մասնագետ կար, որոնցից բոլորը շատ լուրջ էին տրամադրված մրցույթին: Նշեմ նաև, որ ժյուրիի կազմում էր նաև Արման Ղուկասյանը, ինչն ինձ ավելի էր պարտավորեցնում:
-Ի՞նչ երգեր եք կատարել, Անգլիայում Ձեր երգացանկը փոփոխության ենթարկվե՞լ է, ինչպես սովորաբար լինում է միջազգային մրցույթներում:
-Ոչ, երգացանկս չի փոխվել: Խորհուրդներ իհարկե, ստացել ենք բոլորս: 2 երգ եմ կատարել. Մայքլ Ջեքսոնի «Earth Song»-ը և Առնո Բաբաջանյանի «Мосты»-ին:
-Վախ կամ հուզմունք կա՞ր մրցույթից առաջ:
-Այո, մի փոքր հուզվում է: Ժյուրիի կազմում այնպիսի մարդիկ կային, որ մտածում էի գուցե չհավանեն երգածս, կամ շփոթվեմ ելույթիս ժամանակ:
-Արման, ի՞նչ տվեց Ձեզ այս մրցույթը:
-Մրցույթը, հաղթանակից բացի, ինձ հնարավորություն տվեց լինել վայրերում, որոնց մասին գրքերում էի կարդացել: Նախքան մրցույթը մենք զբոսանքի էինք դուրս եկել: Այցելեցի թագուհու պալատ, Մադամ Տյուսոյի թանգարան: Տեսա նաև Բիգ Բենը: Շատ շավ ժամանակ եմ անցկացրել, որի համար շնորհակալ եմ Արման Ղուկասյանին, ծնողներիս: Շնորհակալ եմ նաև տատիկներիս, որ ինձ հետ էին և ոգևորում էին ինձ ողջ ընթացքում:
-Այսօր արդեն մեկնարկեց Կանանց մեկամսյակը, մաղթանքներ ունե՞ք այս առիթով:
-Մեկամսյակի առթիվ շնորհավորում եմ մայրիկիս, տատիկներիս, քույրիկիս, ուսուցչուհիներիս ու ընկերուհիներիս: Ցանկանում եմ, որ միշտ առողջ ու գեղեցիկ լինեն:
Operativ.am-ը շնորհավորում է Արմանին և մաղթում նորանոր հաղթանակներ:
Arman Simonyan -Armenia"Stars of Albion " international competition1-st Place congratulation dear Arman Simonyan
Опубликовано Армандо Гукасяном 28 февраля 2016 г.