на Русском
Ջաթին Շարման որոնվում է որպես անհետ կորած
Հենրի Քավիլն առաջին անգամ հայր կդառնա
Բնապահպանական խնդիրներ, որոնք մտահոգում են մեր քաղաքացիներին. հարցում
Գաղտնիք չէ, որ մեր երկրում մասնավորապես մեր մայրաքաղաք Երևանում կան մի շարք բնապահպանական խնդիրներ, որոնց լուծման համար, շատ դեպքերում ոչինչ չի արվում կամ պարզապես համապատասխան մարմիններն աչք են փակում:
Operativ.am-ի թղթակիցը մեր քաղաքացիների շրջանում հարցում է անցկացրել պարզելու, թե ինչ խնդիրներ են առանձնացնում նրանք և ինչ կփոխեին բնապահպանության ոլորտում: Հարցումները հիմնականում ցույց տվեցին, որ քաղաքացիները հիմնականում ցանկանում են, որպեսզի մայրաքաղաքում բնությունը չկրճատեն, ծառերն ու ծաղիկները չկտրեն ու տեղը բարձրահարկ շենքեր չկառուցեն:
Հարցման արդյունքում, քաղաքացիներից ոմանք նշեցին, որ եթե անգամ համապատասխան մարմիններն ուշադրություն են դարձնում մայրաքաղաքի բնապահպանական խնդիրներին, ապա այն արվում է մեծ մասամբ կենտրոնում, միայն վերջին մի քանի տարում ծայրամասերում ինչ-որ բան արվում է այս ուղղությամբ, սակայն շատ քիչ:
Քաղաքացիների մի մասի կարծիքով՝ վերջին մի քանի տարում բավականին լավացել է այգիների վիճակը: Եթե մի քանի տարի առաջ բավականին շատ կտրում էին ծառերն ու ծաղիկները, ապա այսօր աշխատում են կրկին ավելացնել նրանց քանակը, գեղեցկացնել մեր մայրաքաղաք Երևանը:
Հարցման ժամանակ մեր քաղաքացիները խոսեցին նաև շենքերի մոտ գտնվող փոքր այգիների մասին, որոնք ևս ծայրամասերում շատ անմխիթար վիճակում են: Այս առումով կենտրոնում վիճակը բավականին լավ է:
Հ.Գ. Մեզանից յուրաքանչյուրը պետք է գիտակցի, որ մեր մայրաքաղաք Երևանը մեր երկրորդ տունն է և այն ինչ արվում է մայրաքաղաքի համար, արվում է մեզ համար, իսկ այն ինչ լավ է, նաև հաճելի է: Պետք է գիտակցել, որ բնությունն առողջ ապրելակերպ է, ինչու չէ նաև շնչող, հետևաբար, պետք է ավելացնել ծառերն ու ծաղիկները, այլ ոչ թե կրճատել ու շատ դեպքերում օգտագործել այն որպես վառելիք:
