Ձեզ քաղաքապետ նշանակելու դեպքում երեքհազարամյա քաղաքից կմնա մեծն մասիվցու արձանը. Տարոն Մարգարյանի նամակի պատասխանը
Հարգելի Տարոն Մարգարյան,
Կրկրին ստացա Ձեր դիմումը, ինչպես ստացել էի 5 տարի առաջ Ձեր և Ձեր կուսակցության' ՀՀԿ-ի կողմից, Երևանի քաղաքապետի թափուր պաշտոնում Ձեզ հաստատելու' Ձեր հետ կնքված պայմանագիրը երկարաձգելու խնդրանքով, չնայած, որ նախորդ անգամ կնքված պայմանագրում, որպես պայմանագրի կողմ իմ անունը նշվել է ապօրինի և հաստատվել է ոչ պատշաճ նոտարի' ԿՀԸ-ի կողմից: Անկեղծ ասած գործատուի իմ տեսակինն բնորոշ է ստացված նամակներին պատասխանել օրենքով նախատեսված հնգօրյա ժամկետում, սակայն կապված նրա հետ , որ ի տարբերություն նամակի ուղարկման ամսաթվի(08.04.2013), այն մուտքագրվել է մեր մոտ ապրիլի 8-30-ը ընկած ժամանակահատվածում, ինչպես նաև հաշվի առնելով նամակում բարձրացված հարցերին պատասխանելու համար պահանջվող աշխատանքների մեծ ծավալը' պատասխանը տրվում է նույն օրենքով նախատեսված ողջամիտ ժամկետում: Ինձ համար հաճելի և ցանկալի է ունենալ իմ բարձրաձայնած հարցերին, խնդիրներին արձագանքող, դրանք քննարկող ու լուծող, կամ լուծման անհնարինությունը հիմնավորող, հստակ բարելավման ծրագրեր իրականացնող, իրենց իրավունքներն ու պարտականությունները հստակ իմացող ու իրացնող հանրային ծառաներ: Ես կողմ եմ սահմանադրական, օրինական գործողություններին' անկախ քաղաքական պատկանելությունից: Հանրային ծառա և գործատու (քաղաքացի) առկա խզումը ինձ համար ավելի քան անհասկանալի է:
ԵՎ, այնուամենայնիվ, կրկին կանգնած ենք աշխատանքային օրինական պայմանագիր կնքելու խնդրի առջև:
Պայմանագիր, որի մի կողմը' գործատուն (քաղաքացին) , վստահ կլինի դրա օրինականության վրա, ով կհաստատի, որ այնտեղ դրվածը իր ստորագրությունն է, պայմանագիր, որում հստակ նշված կլինեն կողմերի իրավունքներն ու պարտականությունները, և պայմանագրի կետերի խախտողները կենթարկվեն պատասխանատվության: Ավելորդ չեմ համարում բարձրաձայնել' նման պայմանագրի մինչ այժմ չի կնքվել:
Նախորդ տարիներին, իհարկե, մայրաքաղաքում իրականացվել են մեծածավալ ծրագրեր քաղաքաշինության(շուկա, կրկես, Աֆրիկյանների տուն, ԱՕՔՍ-ի շենք), ճանապարհաշինություն (նախընտրական բարձրորակ ասֆալտ, ատկատ ասֆալտ, սև ասֆալտ), բարեկարգման (բակային անօրինական ավտոտնակների ներկում, դալանների նկարազարդում(1200000դրամ)), կանաչապատում (Դալմայի այգիներ, Օղակաձև զբոսայգի, Սուրենյանց պուրակ, անջրդի տարածքներում ծառատունկներ), օգնություն անանպահով ընտանիքներին(արժանավոր աներձագներին դարձնել պատգամավոր), օժանդակություն օրինապահ մարմիններին(երթուղային տրանսպորտի տրամադրում), միջազգային կապերի ամրապնդում (երգող շատրվանները երգեցին ՌԴ հիմնը կեսգիշերն անց, հանդիպում Վոլոչկովայի հետ), մանկապատանեական (Շրեկի ամենօրյա քրտնաջան բեմադրություն և նոր հերոսների ներմուծում' Չեբուրաշկաներ) և այլ բնագավառներում (թանկարժեք էլիտար նստարաններ, գեղեցիկ ֆլամինգոներ, պինգվիններ, պեգասներ,էգ և որձ եղնիկներ, եղնիկների ընտանիքներ, ֆալոսներ, կավե արձաններ, որոնց տեղադրումից հետո մայրաքաղաքում կտրուկ նվազել է մանյակների թիվը), բայց բուն քաղաքացու ամենօրյա , անմիջական հոգսերը թեթևացնելու, ապրելու միջավայրը բարելավելու, սոցիալ-կենցաղային կոնկրետ խնդիրները լուծելու առումով, մեղմ ասած, ոչինչ չի արվել, չնայած որ Ձեր կարողությունը կազմում է 6000000$:
Ինձ, առավել քան մեկ ուրիշի, հայտնի է այս ամենը, գիտեմ նաև դրանց կարգավորման դժվարին, բայց իրական ուղիները: Ես քաջ գիտակցում եմ նաև, որ Ձեզ այս պաշտոնում նշանակելու դեպքում այս երեքհազարամյա պատմություն և ավանդույթ ունեցող քաղաքից կմնա մեծն մասիվցու արձանը: Վստահ եմ, որ այս անգամ ձեր թիմակիցներից զատ, ձեր կողքին կկանգնի ձեր աներձագը, և նույնքան հարազատ աներձագի աներձագը, չէ որ միայնակ հայեցի չէ քաղաքային բյուջեի մսխումը և բոլորիդ համար ավելի լավ կայֆերի իրականացումը:
Գուցե կասեք, գժվե՞լ եմ ինչ է, իսկ ես Ձեզ կասեմ, այո’, գժվել եմ ու ասում եմ. դա ավելի քան իրատեսական է ու հնարավոր: Բայց նախ պետք է հաղթահարենք թաղային խուժանին ու հեղինակություններին, պետք է հաղթահարենք մարդկային արժեքների ու արժեհամակարգի ճգնաժամը մեր հանրության մեջ, մեր կյանքից դուրս մղենք Ձեզ նման պորտաբույծ աշխատակիցներին, որոնք ազգային, ընտանեկան բարի ավանդույթներից խոսելով զբաղված են անօրինականությամբ: Իսկ դա մենք կանենք միասին' իմ ինքնորոշված, իրավագիտակից ընկերների օգնությամբ և ձեր հիմարության շնորհիվ:
Միշտ այս երկրի տեր ՀՀ քաղաքացի:
Սահակ Մամյանի ֆեյսբուքյան գրառումը: