Թուրքիան արգելել է ռուսական ռազմական և քաղաքացիական նավերին անցնել Բոսֆորի և Դարդանելի նեղուցներով
Թուրքիան հերթական անգամ ատամ է ցույց տալիս: Պաշտոնական Անկարան իբրև թե արգելել է ռուսական ռազմական և քաղաքացիական նավերին անցնել Բոսֆորի և Դարդանելի նեղուցներով: Սա նոր, առավել բարձր մակարդակի կարող է հասցնել ռուս-թուրքական հարաբերությունների վատթարացումը: Ակնհայտ է, որ Ռուսաստանն իր քաղաքականությունից չի հրաժարվի, հատկապես այն պարագայում, երբ Թուրքիայի դեմ պատժամիջոցների մի մասը գործելու է 2016 թվականի հունվարից:
Թուրքիային տրված հնարավորությունը փակելու այս կարևորագույն նեղուցները ամրագրված է Մոնտրյոյի կոնվենցիայում, որի համաձայն Թուրքիան կարող է ամբողջությամբ փակել ռամավարական նշանակություն ունեցող նեղուցները պատերազմական կամ պատերազմի վտանգի առկայության դեպքում:
Այս դեպքում ևս Թուրքիան կարող է Ռուսաստանի գործողությունները դիտարկել պատերազմի վտանգ, թեպետ մեկ օր առաջ ՆԱՏՕ-ն պաշտոնապես հայտարարել էր, որ նեղուցները ռուսական նավերի համար չեն կարող փակվել: Դեռևս պարզ չէ, թե ինչպես կարձագանքի այս ամենին Ռուսաստանն այն դեպքում, երբ ռուսական C-400 հակաօդային պաշտպանության համակարգերի դեմ գործելու համար Թուրքիան ակտիվորեն մեծացնում է Koral հակառադարային համակարգերի թիվը Սիրիայի սահմանին:
Այս համակարգը ամբողջովին կարող է արգելափակել C-400 համակարգերի «տեսողությունը»: Այս ամենից հետո կարելի է հստակ փաստել ռուս-թուրքական նոր հակամարտության մասին, որի դեպքում Հայաստանը ևս կարող ներքաշվել այս ամենի մեջ: Դրա մասին են վկայում նաև Պուտինի հրամանով ռուսական հատուկ զորամիավորումների կուտակումը հայ-թուրքական սահմանին: Անգամ որոշ լրատվամիջոցներ նշել էին, որ երկու օր առաջ ՌԴ պաշտպանության նախարար Սերգեյ Շոյգուն անձամբ էր կարճատև այց իրականացրել Գյումրի, տեղում հատուկ հրահանգավորումներ տալու համար:
Արմեն Մխեյան, Ֆեյսբուք։