Լիարժեք քունն օգնում է պայքարել ճարպակալման դեմ

Մասնագետները նշում են, որ լիարժեք քունն օգնում է պայքարել ճարպակալման դեմ:

Հետազոտությանը մասնակցած երիտասարդ, առողջ, նիհար 16 մարդիք երկու շաբաթ շարունակ ապրել են համալսարանական կլինիկայի հատուկ սենյակում, որն ուներ լուսավորության ավտոմատացված հսկողության համակարգ: Հետազոտությանը մասնակցած կամավորների ծախսած էներգիան հաշվվում էր՝ համաձայն շնչառական գազերի (թթվածին, ածխաթթուներ) ծավալների փոփոխության:

Առաջին երեք օրերի ընթացում մասնակիցները քնում էին օրական 9 ժամ: Ընդ որում, վերջիններիս սննդակարգի էներգետիկ արժեքը համապատասխանում էր նորմային: Դրանից հետո մասնակիցներին երկու խմիբի են բաժանել. առաջին խումբը 5 օրերի ընթացքում քնում էր օրական 5 ժամ, իսկ երկրորդը՝ 9 ժամ: Ընդ որում, մասնակիցները կարող էին ուտել, որքան կցանկանային: 5 օր անց արվել են չափումները:

Ընդհանուր առմամբ, այն մասնակիցները, որոնք քնել էին 5 ժամ, ծախսել էին 5%-ով ավելի շատ էներգա, սակայն միևնույն ժամանակ օգտագործել էին 6%-ով ավելի շատ կալորիներ: Բացի այդ, նրանք շատ քիչ էին ուտում նախաճաշին, իսկ ընթրիքն օրվա ամենակալորիական ճաշն էր: Ինչպես հայտնի է, երեկոյան կալորիաներն ավելի ակտիվորեն են վերածվում ճարպերի, քան առավոտյան:

Հետազոտությունը ցույց տվեց, որ քիչ քնող մարդիկ ավելի շատ էին ուտում այն ժամերին, երբ օրգանիզմը դեռ պատրաստ չէր մարսողության: