Աշխարհում «օրենքով գողերի» թվով հայերը երրորդն են

«Прайм Крайм»-ը ներկայացրել է տեղեկատվություն կապված «օրենքով գողերի» մասին: Մասնավորապես կայքը ներկայացրել է «օրենքով գողերի» ազգային պատկանելիության, ազատության և անազատության մեջ գտնվողների վիճակագրությունը: 

Համաձայն տվյալների՝ այսօրվա դրությամբ աշխարհում «օրենքով գողի» տիտղոսակիր է 485 մարդ: Այս տվյալները ներկայացվել են ոչ թե որևէ մեկի անունը մոռանալով, այլ, ոչ բոլոր դեպքերում է, որ գողական կլաններում «օրենքով գողերի» տիտղոսները ճանաչվում են ոչ բոլոր անդամների կողմից: Այս հարցը ներկա պահին առավել սուբյեկտիվ է, քան երբևէ, քանի որ սա կախված է նրանից, թե որքանով է տվյալ անձն իրեն այդպիսին կարծում, և որքանով է նա այլոց աչքին իր ուզած կերպարով երևում, և սա այն դեպքում, երբ տվյալ անձին դեռևս որակում չի տրվել:

Նշված թվից՝ 485, միայն 118 մարդ է գտնվում կալանավայրում, այդ թվում 37-ը՝ պայմանական, որոնց հարցով դեռևս վերջնական վճիռ չի կայացվել: Համապատասխանաբար 367-ն ազատության մեջ է, որոնցից 14-ը՝ մաքուր խղճով: 

Ինչպես նշեցինք, աշխարհում այս պահին կա «օրենքով գողի» կոչումը կրող 485 մարդ, որոնցից 276-ը վրացիներ են: Վրաստանում գողական աշխարհին պատկանելը քրեորեն պատժելի հանցանք է։ Երկրի օրենսդրությամբ, Միխայիլ Սահակաշվիլիի օրոք, այդ կետը խստացվել էր։ Սահակաշվիլին փաստացի պատերազմ էր հայտարարել «օրենքով գողերին»: Նրանցից շատերը հայտնվեցին բանտերում, իսկ ոմանք էլ՝ լքեցին երկիրը։ 

«Օրենքով գողերի» թվով երկրորդը ռուսներն են՝ 61 մարդ։ Ի դեպ, ռուս «օրենքով գողերի» մեծ մասին թագադրել են հենց նրանց վրացի համախոհները։

Առաջատար եռյակը եզրափակում են հայերը, որոնք ապրում են Հայաստանում և նրա սահմաններից դուրս իրենց ազդեցությունը չեն տարածում:

4-րդ հորիզոնականը շատերի ենթադրմամբ զբաղեցնում են ադրբեջանցիները, սակայն դա այդպես չէ: Չորրորդ հորիզոնականում եզդիներն են: